Biełaruski łyžnik Siarhiej Dalidovič zaviaršyŭ vystupleńnie na Alimpijadzie ŭ Pchiončchanie praz prablemy sa zdaroŭjem, paviedamlaje «Jeŭraradyjo».

Nahadajem, raniej Dalidovič syšoŭ z dystancyi na skijatłonie i nie ŭdzielničaŭ u honcy na 15 km.

Akramia taho, łyžnik raspaviadaŭ, što na mocnym marozie jon mieŭ prablemy z bronchami.

Dla 44-hadovaha Dalidoviča heta byli siomyja Alimpijskija hulni. Nacyjanalny alimpijski kamitet nie chacieŭ dapuskać jaho da ŭdziełu ŭ Hulniach u Pchiončchanie, spasyłajučysia na niemałady ŭzrost spartsmiena. Tady łyžnik abviaściŭ kraŭdfandynhavuju kampaniju na płatformie Talaka.by, kab sabrać srodki dla ŭdziełu ŭ Alimpijadzie. Kampanija była paśpiachovaj: spartsmien-vieteran sabraŭ bolš za 30 tysiač biełaruskich rubloŭ.

Najlepšym vynikam Dalidoviča było 1-je miesca na etapie Kubku śvietu ŭ 2001 hodzie. Na minułaj Alimpijadzie ŭ Sočy jon zaniaŭ 5-je miesca ŭ mas-starcie, i heta byŭ najlepšy alimpijski vynik za ŭsiu jaho karjeru.

Sočym za Alimpijadaj razam z Bukmiekierskaj kantoraj Marafon.

Клас
0
Панылы сорам
0
Ха-ха
0
Ого
0
Сумна
0
Абуральна
0