U niekatorych alimpijskich vidach sportu pieramožca vyznačajecca abjektyŭna — naprykład, u harnałyžnym słałamie (pa chutkaści). A voś u inšych — naprykład, fihurnym koŭzańni ci frystajle — apošniaje słova zastajecca za sudździami.

Schiema aceńvańnia ŭ frystajle prostaja. Kožny ź piaci sudździaŭ stavić svaju adznaku pa troch kryteryjach. Kab paźbiehnuć zusim vidavočnych nakrutak, adkidvajecca najlepšy i najhoršy bał. A voś astatnija try adznaki ŭličvajucca.

U spabornictvach pa žanočym frystajle spartsmienaŭ aceńvali sudździ z Rasii, Japonii, Šviejcaryi, Kanady i Kitaja. A hałoŭnymi favarytkami byli spartsmienki z Kitaja i Biełarusi.

Na žal, 48-hadovy kitajski sudździa Čžaoi Ciu (Zhaoyi Qiu) vyprabavańnie sumleńniem nie prajšoŭ.

U trecim vynikovym finale jon ciahnuŭ svaich ziemlakoŭ navierch, nie chavajučysia staviačy im maksimalnyja. A voś biełaruskam — minimalna mahčymyja.

Naprykład, zirnicie radok «Form» u Hanny Huśkovaj. Usie sudździ pastavili joj 4,6 bała. Vidać, heta i jość adekvatnaja acenka jaje skačku. Kitajec ža naličyŭ tolki 4,3 bała.

A voś kitajancy Konh Fańju jon ža pastaviŭ za pryziamleńnie 1,4 bała — a ŭ realnaści jana zvaliłasia. Ad inšych sudździaŭ spartsmienka atrymała 0,8 bała.

Hańnie Huśkova, jakaja paśla skačku stała na nohi, atrymała ad kitajca za pryziamleńnie 1,6 bała. Tady jak ad astatnich sudździaŭ — 1,9 bała. 

Kali ŭličvać bały tolki kitajskaha sudździ, to pieršaje miesca atrymała b kitajanka Čžanh Siń (34,19 bała). U Hanny Huśkovaj było b druhoje miesca z 28,88 bałami. Jana b minimalna adarvałasia ad Konh Fańju, u jakoj było b 26,79 bała. 

U realnaści ž biełaruska Hanna Huśkova stała alimpijskaj čempijonkaj.

Sočym za Alimpijadaj razam z Bukmiekierskaj kantoraj Marafon.

Клас
0
Панылы сорам
0
Ха-ха
0
Ого
0
Сумна
0
Абуральна
0