Getty Images

Getty Images

Raniej sacsietku krytykavali za toje, što jany źjaŭlajucca miechanizmam raspaŭsiudžvańnia fejkavych navinaŭ — paviedamleńniaŭ, jakija nie vytrymlivajuć pravierki faktami, ale šyroka tyražujucca ŭ internecie.

U budučyni ŭ stužcy karystalnikaŭ buduć čaściej źjaŭlacca paviedamleńni z nadziejnych krynic infarmacyi, havorycca ŭ paviedamleńni zasnavalnika sacsietki i kiraŭnika kampanii Facebook Inc. Marka Cukierbierha.

U sučasnym śviecie zanadta šmat pahoni za siensacyjami, dezinfarmacyi i palaryzacyi [punktaŭ hledžańnia]», — napisaŭ Cukierbierh.

Padčas apytańniaŭ ab jakaści absłuhoŭvańnia Facebook budzie pytacca zarehistravanych u im ludziej, ci znajomyja jany z toj ci inšaj krynicaj navin, a taksama, nakolki jany joj daviarajuć, raspavioŭ Cukierbierh u dopisie, apublikavanym 19 studzienia.

Niekatoryja maśmiedyja «karystajucca davieram svaich čytačoŭ ci hledačoŭ, tady jak inšym daviarajuć bolš šyrokija słai hramadstva, u tym liku tyja ludzi, jakija za imi nie sočać», napisaŭ kiraŭnik sacsietki.

Pieršyja apytańni projduć na nastupnym tydni 22 studzienia.

Ahučanaja Cukierbierha mietodyka vymiareńnia nadziejnaści dalokaja ad ideału: tak, ŚMI, jakim daviaraje bolšaść nasielnictva, nie abaviazkova adpaviadajuć žurnalisckim standartam, adznačaje amierykanskaje internet-vydańnie Slate.

U ciapierašni čas naviny składajuć kala 5% paviedamleńniaŭ u stužcy karystalnikaŭ Facebook, havorycca ŭ poście zasnavalnika sacsietki.

U budučyni hetaja dola źnizicca da 4% za košt taho, što karystalnikam budzie čaściej pakazvać paviedamleńni ad ich znajomych i rodnych.

Клас
0
Панылы сорам
0
Ха-ха
0
Ого
0
Сумна
0
Абуральна
0