Radyjo Svabodnaja Jeŭropa/Radyjo Svaboda zajaviła siońnia, što ŭłady Pakistana začynili isłamabadski ofis radyjostancyi paśla taho, jak pakistanskaja vyviedka abvinavaciła žurnalistaŭ u pieradačy ŭ efir prahram, jakija «supiarečać intaresam Pakistana», paviedamlaje ABC.

Na svaim sajcie pradstaŭniki vyviedki abvinavacili puštunamoŭnaje radyjo «Mašaał» (padraździaleńnie Radyjo Svaboda) u pakazvańni Pakistanu jak hniazda terarystaŭ i biaśpiečnaj havani dla złačynnych hrupovak.

Zakryćcio radyjo supała z mocnaj napružanaściu ŭ pakistanska-amierykanskich znosinach. Vašynhton spyniŭ šmatmiljonnuju vajskovuju dapamohu Isłamabadu, abvinavaciŭšy pakistanski ŭrad u stvareńni biaśpiečnaha prytułku dla terarystaŭ z Afhanistanu, jakija ŭdzielničali ŭ napadach na amierykanskich sałdat.

Клас
0
Панылы сорам
0
Ха-ха
0
Ого
0
Сумна
0
Абуральна
0