U horadzie Piervaŭralsku, Śviardłoŭskaj vobłaści Rasii zatrymali iłželekara, jaki vioŭ pryjom u adnym sa špitaloŭ. Čałaviek u biełym chałacie, jaki da miedycyny nie mieŭ anijakaha dačynieńnia, pradstaŭlaŭsia pacyjentam to terapieŭtam, to chirurham, a časam i hiniekołaham, paviedamlaje NTV.

Supracoŭniki špitala, pierahladajučy zapisy kamier videanazirańnia, pryznajucca, što nie padazravali, što hety čałaviek — nie toj, za kaho siabie vydaje, i da miedycyny nie maje anijakaha dačynieńnia. Toje, što čužoha siarod svaich zaŭvažyli nie adrazu, pa słovach lekaraŭ, ničoha dziŭnaha: špital vialiki.

Adnak adzin ź fielčaraŭ paznaŭ u padazronym doktary svajho znajomaha i ŭspomniŭ, što toj nie tak daŭno viarnuŭsia z kałonii. Apynuŭšysia ŭ atačeńni aburanych miedykaŭ, «čužy» spačatku apraŭdvaŭsia, što ŭsiaho tolki chacieŭ uładkavacca ŭ balnicu santechnikam. Potym pakazaŭ dakumienty i zdaŭsia. Supracoŭniki balnicy vyklikali palicyjantaŭ.

U palicyi mužčyna daŭ tłumačeńni, ale pakolki anijakich farmalnych dokazaŭ taho, što jon ździejśniŭ złačynstvy nie znajšłosia, iłžedoktar byŭ adpuščany na svabodu.

Mužčyna byŭ sudzimy za kradziažy. Chutčej za ŭsio, jak miarkujuć palicyjanty, vyzvaliŭšysia z turmy, vyrašyŭ znoŭ uziacca za staroje i ŭ balnicy pravodziŭ vyviedku. Zaraz palicyja pravodzić analiz zapisaŭ z kamier nazirańnia špitala.

Клас
0
Панылы сорам
0
Ха-ха
0
Ого
0
Сумна
0
Абуральна
0