Fota Dźmitryja Bruško

Fota Dźmitryja Bruško

Na tarhi vystaŭleny park zabaŭ «Drymłend» i «Ahrafirma «Illa», padkantrolnyja ZAT «Rostem» Juryja Aviarjanava. Heta vynikaje ź infarmacyi, raźmieščanaj na sajcie Adzinaha dziaržrejestra źviestak ab bankructvie.

Kala dvuch hadoŭ tamu ŭ Juryja Aviarjanava razharełasia «vajna» z kredytorami za svaje aktyvy. Banki i padradčyki prasili pahasić daŭhi, jakija ŭtvarylisia z-za realizacyi inviestprajektaŭ. Tady ž biznesoviec vykłaŭ svaju viersiju padziej.

Paźniej vyśvietliłasia, što pradprymalnik asieŭ u Jeŭropie. Zatym stała źjaŭlacca infarmacyja, što kampanii Aviarjanava adna za adnoj bankrutujuć.

U kancy 2016 hoda Ekanamičny sud Minska pryznaŭ «Rostem» ekanamična niepłaciežazdolnym. U dačynieńni da kampanii była ŭviedziena sanacyja i zaćvierdžany jaje płan. Termin sanacyi - pa 28 červienia 2018 hoda.

U ramkach pracedury azdaraŭleńnia kredytory vyrašyli vystavić na tarhi dva aktyvy. Za «Ahrafirma «Illa» chočuć atrymać minimum 6,74 młn rub. Košt «Drymłend» składaje 29,1 młn rub. «Ahrafirma ŭžo dva raz vystaŭlałasia na tarhi, «Drymłend» — adzin. Pakul nie było nivodnaj zajaŭki», — skazała antykryzisny kiraŭnik «Rostem».

U strukturu «Rostem» taksama ŭvachodzić rynak budaŭničych materyjałaŭ u mikrarajonie Uručča. Ci budzie jon u bližejšaj budučyni vystaŭleny na tarhi? «U płanach sanacyi heta praduhledžana. Ale nie dumaju, što [rynak budzie vystaŭleny na tarhi] ŭ bližejšyja dva miesiacy», — udakładniła antykryzisny kiraŭnik.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?