Kiraŭnik Raśsielhasnahlada Siarhiej Dankviert zajaviŭ, što ŭstrymajecca ad naviedvańnia Biełarusi ci pajedzie ŭ krainu tolki ŭ supravadžeńni televizijnaj zdymačnaj hrupy. Takuju zajavu jon zrabiŭ u intervju prahramie «Viesti ŭ subotu» ź Siarhiejem Brylova na telekanale «Rasija 1», adkazvajučy na pytańnie «ci pajedzie jon u Biełaruś».

Raniej Dankviert paviedamlaŭ žurnalistam, što Raśsielhasnahlad atrymaŭ ad Hienprakuratury RF pytańni biełaruskich kaleh u suviazi z pravierkaj MUS ŭ jaho dačynieńni.

«Padnačalenyja pakul taksama nie chočuć, - praciahnuŭ Dankviert. - Jany naŭprost kažuć, jašče try hady tamu kazali, ja tolki ciapier zrazumieŭ, nakolki jany mieli racyju, tamu što jany skazali: nam nie padabajecca taja abstanoŭka, u jakoj my pracujem. Nu, kali pajedziem, to tolki z telebačańniem».

U toj ža čas, kiraŭnik Raśsielhasnahladu nahadaŭ, što viedamstva zaŭsiody znachodziłasia «u liku tych, chto zabiaśpiečvaŭ pavieličeńnie pastavak u Biełaruś» i vykazaŭ nadzieju na toje, što ahulnuju movu ź biełaruskim bokam atrymajecca znajści. «Kali ŭziać 10 hadoŭ tamu i ciapier, to pastaŭki nievymierna bolšyja. Tamu my zaŭsiody zabiaśpiečvali, znachodzili ahulnuju movu, pracavali i zaraz znojdziem ahulnuju movu», — upeŭnieny jon.

Prezident Biełarusi Alaksandr Łukašenka 3 lutaha zajaviŭ, što daručyŭ MUS respubliki zavieści kryminalnuju spravu na kiraŭnika Raśsielhasnahladu Siarhieja Dankvierta za «naniasieńnie škody dziaržavie». Havorka idzie pra abmiežavańni, jakija Raśsielhasnahlad ŭvodziŭ u dačynieńni da šerahu biełaruskich charčovych pradpryjemstvaŭ u suviazi ź nieadnarazova vyjaŭlajemymi parušeńniami.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?