«Biełavija» płanuje ŭ 2017 hodzie pašyryć pieralik anłajn-pasłuh, paviedamiŭ BIEŁTA namieśnik hienieralnaha dyrektara pa infarmacyjnych technałohijach AAT «Avijakampanija «Biełavija» Uładzimir Barkun.

«U pieršuju čarhu my płanujem pašyryć funkcyjanalnaść asabistaha kabinieta pasažyra. Ciapier pasažyru budzie pradastaŭlenaja mahčymaść prahladać historyju svaich palotaŭ, a taksama isnujučyja braniravańni. Źjavicca mahčymaść źmianić datu vyletu — i ŭ vypadku, kali heta praduhledžana praviłami, anłajn dapłacić zbor za źmianieńnie braniravańnia. Kali ŭ vas pamianialisia płany i vy prosta nie lacicie, možna budzie ŭ režymie anłajn viarnuć hrošy», — adznačyŭ jon.

Uładzimir Barkun taksama raspavioŭ, što na sajcie avijakampanii źjavicca pasłuha One click.

«Pasažyry zmohuć zarehistravać svaju kartu na sajcie, i nadalej, kali im treba budzie kupić kvitok, nie pryjdziecca ŭvodzić dadzienyja karty. Heta zaŭsiody doŭha, a tak usie dadzienyja buduć zachoŭvacca ŭ sistemie», — rastłumačyŭ jon. Taksama ŭ 2017 hodzie buduć pašyranyja mahčymaści Rail@Fly — heta mahčymaść nabyć kambinavany kvitok, jaki dazvalaje ažyćciavić avijapieralot i dalej jechać ciahnikami čyhunki luboha typu ź nieabchodnymi pierasadkami. Adpaviednaje pahadnieńnie «Biełavija» padpisała ź Niamieckimi čyhunkami ŭ 2011 hodzie. Ciapier kupić taki kvitok možna budzie i anłajn, da hetaha jany pradavalisia tolki ŭ kasach avijapieravozčyka.

Namieśnik hienieralnaha dyrektara pa infarmacyjnych technałohijach nahadaŭ, što na sajcie avijakampanii ciapier maksimalna skaročanaja kolkaść krokaŭ, nieabchodnych dla kupli kvitkoŭ. Taksama ŭžo realizavanaja funkcyja aŭtamatyčnaha raspaznavańnia pašpartoŭ, hetaj mahčymaściu karystajucca kala 20% pasažyraŭ.

Kažučy pra prablemy z sajtam «Biełavija», jakija naziralisia padčas maštabnaj akcyi da dnia naradžeńnia avijakampanii ŭ sakaviku 2016 hoda, Uładzimir Barkun padkreśliŭ, što ŭsie pamyłki ŭličanyja. «My pamianiali pravajdera, jaki akazvaŭ pasłuhu chostynhu sajta. I ŭžo nastupnyja dźvie akcyi pakazali, što zbojaŭ nie było. Choć pa listapadaŭskaj akcyi było zafiksavana 20-razovaje pavieličeńnie nahruzki na sajt», — kanstatavaŭ jon.

Клас
0
Панылы сорам
0
Ха-ха
0
Ого
0
Сумна
0
Абуральна
0