Fota Siarhieja Hudzilina

Fota Siarhieja Hudzilina

Adzin z zajaŭnikaŭ šeścia na Dzień Voli, siabra «Za Svabodu» Alaksandr Rusievič atrymaŭ siońnia adkaz ź Minharvykankama, paviedamlaje pres-słužba ruchu.

U harvykankamie pryznajuć, što 6 studzienia atrymali list pad nazvaj «Abaviazalnictvy pa arhanizacyi i praviadzieńni masavaha mierapryjemstva (demanstracyi), adnak zajaŭlajuć, što «list nie ŭtrymlivaje zajavy ab praviadzieńni masavaha mierapryjemstva i infarmacyi, jakaja praduhledžanaja dla takich zvarotaŭ u adpaviednaści z zakonam Respubliki Biełarusi «Ab masavych mierapryjemstvach».

«Źviartajem uvahu, što vami parušany art. 8 Zakona, u adpaviednaści ź jakim arhanizatary masavaha mierapryjemstva, a taksama inšyja asoby da atrymańnia dazvołu na jaho praviadzieńnie nie majuć prava abjaŭlać u ŚMI, hłabalnaj kampjutarnaj sietcy Internet albo inšych infarmacyjnych sietkach ab dacie, miescy i dacie jaho praviadzieńnia, vyrablać i raspaŭsiudžvać z hetaj metaj listoŭki, płakaty i inšyja materyjały», — skazana ŭ adkazie Minharvykankamie.

Pa dadzienych čynoŭnikaŭ, u suviazi z hetym «stanoŭča vyrašyć razhladajemaje pytańnie nie ŭjaŭlajecca mahčymym».

U svaju čarhu zajaŭniki zajaŭlajuć, što pieradali ŭvieś pakiet dakumientaŭ uładam. 6 studzienia zajaŭku i abaviazacielstvy zajaŭnikaŭ pieradaŭ u vykankam Jahor Viniacki.

«Minharvykankam, chutčej za ŭsio «zhubiŭ» dakumienty admysłova. Hetaja situacyja mahła zdarycca tamu, što čynoŭniki apošnim časam paźbiahajuć kantaktavać z zajaŭnikami niepasredna i prapanujuć pakidać dakumienty u ahulnaj skryni la ŭvachodu», — adznačyŭ staršynia Ruchu «Za Svabodu» Juryj Hubarevič.

Pa jahonych słovach, siońnia, u 15.00, adbudziecca pasiadžeńnie arhkamu pa praviadzieńniu Dnia Voli, dzie budzie pryniataje rašeńnie nakont adkazu ź Minharvykankama.

Akcyja zapłanavanaja na 25 sakavika, zbor u 14.00-14.30, akcyja praciahniecca da 15.30.

Arhanizatary prapanavali Minharvykankamu nastupny maršrut: placoŭka la budynku Akademii navuk (zbor udzielnikaŭ) — šeście pa praśpiekcie Niezaležnaści — park Janki Kupały (zaviaršeńnie akcyi). Mitynh nie zapłanavany. Siarod zajaŭnikaŭ pradstaŭniki čatyroch arhanizacyjaŭ — Ruchu «Za Svabodu», Partyj AHP, BNF i BCHD.

Клас
0
Панылы сорам
0
Ха-ха
0
Ого
0
Сумна
0
Абуральна
0