Fond Stypiendyi imia Arkadzia Smoliča składajecca z dobraachvotnych achviaravańniaŭ biełarusaŭ. Sami fundatary vybirajuć stypiendyjata. Kryter — aktyŭnaja pazicyja i vybitnyja inicyjatyvami ŭ halinach kultury, navuki i sacyjalna-hramadskich kirunkach.

U 2016 hodzie Rada Stypiendyi atrymała bolš za 40 zajavak ad studentaŭ.

Stypiendyjatam vybrali studenta 3-ha kursa fakulteta prykładnoj matematyki i infarmatyki Biełaruskaha dziaržaŭnaha ŭniviersiteta Dźmitryja Bylinoviča z navukova-papularnym i adukacyjnym prajektam «Kuryłka Hutenbierha», jaki źbiraje vakoł siabie sotni biełaruskich maładzionaŭ, što cikaviacca navukaj.

Dźmitryj Bylinovič atrymaje hramadskuju stypiendyju pamieram 1200 rubloŭ.

Letaś Stypiendyju im. Arkadzia Smoliča atrymała studentka architekturnaha fakulteta Biełaruskaha nacyjanalnaha techničnaha ŭniviersiteta Hanna Śmirnova, jakaja ŭžo niekalki hadoŭ arhanizoŭvaje moładzievy letnik «Lubča nad Niomanam», kaardynuje restaŭracyju Lubčanskaha zamku.

Nahadajem, što Arkadź Smolič — vydatny biełaruski hieohraf, ministr adukacyi ŭ pieršym uradzie Biełaruskaj Narodnaj Respubliki, jaki byŭ zabity savietami ŭ 1938 hodzie.

Ideja ž stypiendyi naležyć vychadcu sa Žłobina Kiryłu Atamančyku, jakija ciapier zajmajecca turbiznesam u Vilni.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?