Akruhovaja vybarčaja kamisija Staravilenskaj akruhi № 105 vyniesła 5 vieraśnia papiaredžańnie kandydatu ŭ deputaty ad Partyi BNF Uładzimiru Padhołu.

«Staršynia kamisii na pasiadžeńni skazaŭ, što ja pravioŭ niesankcyjanavany pikiet, — paviedamiŭ Padhoł. — U svaim adkazie ja skazaŭ, što jon nie viedaje zakon, bo dla praviadzieńnia pikietaŭ kandydata ŭ deputaty nie patrebnaja sankcyja, jany pravodziacca zhodna z paviedamlalnym pryncypam».

Pry hetym, adznačyŭ jon, u kamisii navat nie było kopii zajavy, jakuju Padhoł zanios u Minharvykankam i jakoj paviedamlaŭ ab praviadzieńni pikietaŭ. Jak rastłumačyŭ kandydat, u paviedamleńni jon nazvaŭ u tym liku i vulicu Niamiha, na jakoj 31 žniŭnia na pikiecie adznačyŭ dzień naradžeńnia kiraŭnika dziaržavy i jaho małodšaha syna, sumiaściŭšy sa śviatkavańniem dnia naradžeńnia svaich katoŭ. Adnak u kamisii śćviardžali, što jon pavinien byŭ napisać kankretny dom i čas pikietavańnia.

Pavodle słoŭ Padhoła, jamu było taksama inkryminavanaje raspaŭsiudžvańnie biez vychadnych źviestak cytatnika Łukašenki, jaki jon sam razdrukavaŭ jašče hod tamu, a taksama pałos papiery z cytatami kiraŭnika dziaržavy.

Akramia taho, Padhołu stavili ŭ vinu vykarystańnie niezarehistravanaj simvoliki — ściahoŭ ZŠA i ES, a taksama bieł-čyrvona-biełaha ściaha. «Usie hetyja ściahi ŭ ich kłasifikacyi źjaŭlajucca niezarehistravanaj simvolikaj, jakoj ja nie maju prava karystacca», — skazaŭ jon.

Heta pieršaje papiaredžańnie Padhołu. U vypadku atrymańnia druhoha kandydat u deputaty moža być źniaty z vybaraŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?