Z suboty ŭ minskim HC «Tytan» (Dziaržynskaha, 104) na trecim paviersie zapracavaŭ fud-punkt «Fruit Waffles», dzie kožny moža pakaštavać znakamityja hankonhskija vafli. Samomu takija vafli pryhatavać vielmi ciažka: u śpiecyjalnuju vafielnicu z pahłybleńniami dla šarykaŭ zalivajecca ciesta. U šaryki dadajecca načynka i vypiakajecca 3-4 chviliny. Paśla taho, jak vafla astynie, dadajecca lubaja načynka. U «Fruit Waffles» heta viarški ci maroziva jak asnova, sadavina, topinh i pasypki na vybar.

Poŭny kamplekt abyjdziecca ŭ 60 tysiač. Akramia vaflaŭ, tam možna nabyć kavu i małočny kaktejl: ceny vahajucca ad 18 da 38 tysiač.

My zamovili dźvie vafli: ź viarškami i marozivam, z roznymi inhredyjentami. Chłopiec Siarhiej davoli chutka ŭpraviŭsia z zamovaj i byŭ vielmi vietlivym. Na samim fud-punkcie ŭsio vielmi čysta: pierad hatavańniem kožnaj novaj zamovy Siarhiej mianiaŭ palčatki.

Vyhladaje ŭsio heta pryhoža i smačna. Vafli nie nadta sałodkija. Z-za roznaj kolkaści inhredyjentaŭ stvarajecca vielmi kantrasny smak.

Adziny minus — małaja kolkaść načynki. Vafla zapoŭnienaja tolki napałovu.

Plus — «Fruit Waffles» vydaje kožnamu naviedvalniku «kartku amatara vaflaŭ», pry jaje najaŭnaści paśla treciaj pakupki atrymlivaješ biaspłatnuju kavu, a paśla šostaj — vaflu.

Fud-punkt adkryty štodzień z 10:00 da 21:00.

Takim čynam, u Minsku źjaviŭsia jašče adzin punkt stryt-fudu z ekzatyčnaj dla Biełarusi ježaj. Heta smačna, ale zamała na taki košt. Ale chacia b adzin raz možna pakaštavać.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?