Ambasada ZŠA ŭ Biełarusi biare ŭdzieł u pracy XXIII Minskaj mižnarodnaj knižnaj vystavy-kirmašu.

Dypmisija pradstaviła stend pad ahulnaj nazvaj «Čytaj. Vyvučaj. Stvaraj. Ukaraniaj», jaki ŭklučaje interaktyŭnyja elektronnyja prezientacyi i animacyi ŭ dapamohu vykładčykam anhlijskaj movy i školnikam, demanstracyju raźvivajučych nastolnych hulniaŭ i kanstruktaraŭ, a taksama praviadzieńnie hulniavoj viktaryny pamiž biełaruskimi kamandami pa temie vynachodnictva, navuki i inavacyj u ZŠA.

Skot Rołand, pavierany ŭ spravach ZŠA ŭ Biełarusi: «Na hety raz tema stenda ambasady ZŠA — «Čytaj. Vyvučaj. Stvaraj. Ukaraniaj». U nas pradstaŭleny nie tolki knižnyja vydańni, ale i raźvivajučyja hulni i nabory dla techničnaj tvorčaści. Heta vielmi važna. Dostup da infarmacyi — heta asnova demakratyi. My, jak i va ŭsich ambasadach, chočam, kab ludzi lepš zrazumieli našu krainu. My chočam, kab u Biełarusi ludzi zrazumieli, jakija mahčymaści jość u ZŠA. Mahčymaści vučycca, atrymlivać adukacyju i potym karystacca viedami. Heta taksama sutnaść našaha stenda ŭ hetym hodzie. Heta nie tolki knihi. Knihami my daŭno karystajemsia, kab nabyć viedy. Siońnia ŭ ZŠA biblijateki — heta miesca, dzie ludzi mohuć nabyć viedy i potym karystacca hetymi viedami. Kožnaja biblijateka maje ceły šerah roznych kampjutaraŭ, dostup da internetu i hetak dalej. My chacieli padzialicca hetym z naviedvalnikami ŭ hetym hodzie».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?