U Minsku nie płanujecca ŭvodzić zabaronu na prodaž ałkaholu ŭ poźni čas sutak. Pra heta zajaviŭ staršynia Minharvykankama Andrej Šorac siońnia na plenarnym pasiadžeńni I Forumu pracoŭnaj moładzi.

Mer stalicy kanstatavaŭ, što ŭviedzienaja raniej zabarona nie prynieła adčuvalnych vynikaŭ.

«My nie zmahli spynić vał kantrafaktu», — zaŭvažyŭ kiraŭnik horada. Niezakonny abarot ałkaholu arhanizavali ŭ internecie. Andrej Šorac pryvioŭ fakty «tvorčaha», pavodle jaho acenki, padychodu ŭ realizacyi ałkaholnych napojaŭ u internecie: «Nabiraju ŭ pošukaviku zapyt «kupić ałkahol nočču». U nas narod vielmi «tvorčy» ŭ hetym płanie. Tak, ałkahol «zdavali ŭ arendu», byli abjavy «pryviazu picu, butelka harełki ŭ prydaču», «daviazu pa harełku». Zrazumieła, što nikudy jon nie paviazie, harełka ŭ jaho jość».

«Z ulikam taho, što my nie zmahli arhanizavać kanfiskacyju kantrafaktu, zabaronu (na načny prodaž ałkaholu) admianili. Viartacca da hetaha bolš nie budziem», — skazaŭ na zakančeńnie Andrej Šorac.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?