Prajekt novaj kanstrukcyi raspracavali ŭ AAT «BiełVTI». Paŭsotni takich kantejnieraŭ ustanoŭlenyja ŭ handlovych abjektach horada — naprykład, u kramach sietki «Prastor», «1000 drobiaziaŭ», HD «Na Niamizie», univiermahu «Biełaruś».

Adroźnić jomistaści prosta — pa dyzajnie i jarka-zialonaj afarboŭcy. Unizie, jak simvał ekałahičnaha składnika i kłopatu ab navakolnym asiarodździ, namalavanyja dźvie halinki dreva. Na piaredniaj častcy kantejniera vyłučajucca try čornyja paneli. Uviersie — vuzkaja i doŭhaja — dla starych rtutnych trubak. Nižej sprava — panel dla enierhaźbierahalnych lampaŭ. Pobač źleva — dla adpracavanych elemientaŭ siłkavańnia. Pierabłytać ich niemahčyma: usio vyrazna paznačana. Pry naciskańni paneli lohka adčyniajucca. Unutry stajać 3 źmiennyja jomistaści. Pry napaŭnieńni ich vymajuć i mianiajuć na pustyja.

Niadaŭna ŭ AAT «BiełVTI» raspracavali i bolš drobnyja kanstrukcyi — tolki dla batariejek abo vyklučna dla lampaŭ. Heta zručna kramam, jakija abaviazanyja źbirać tolki adzin ź vidaŭ niebiaśpiečnych adchodaŭ. Na praciahu lutaha-sakavika ŭ kramach horada budzie rasstaŭlena bolš za 200 novych kantejnieraŭ dla batarejek i kala 50 — dla lampaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?