Terarystyčnaja hrupoŭka «Isłamskaja dziaržava» atrymlivaje asnoŭny dachod ad prodažu nafty. Pra heta havorycca ŭ dakładzie AAN, jaki ŭ aŭtorak, 9 lutaha, pradstaviŭ namieśnik hienieralnaha sakratara pa palityčnych pytańniach Džefry Fiełtman. Pavodle jaho słoŭ, inšymi krynicami dachodaŭ ID źjaŭlajecca zbor tak zvanych padatkaŭ, razrabavańnie archieałahičnych raskopak, srodki za vykup zakładnikaŭ, a taksama zbor hrošaj praź internet.

Jak adznačajecca ŭ dakumiencie, u 2015 hodzie abjom dachodaŭ terarystaŭ tolki ad prodažu nafty i naftapraduktaŭ skłaŭ ad 400 da 500 młn dalaraŭ. Pry hetym u AAN padkreślili, što niemahčyma acanić schiemy, jakija ID vykarystoŭvaje dla handlu naftaj.

Akramia taho, jak adznačyŭ Fiełtman, u šerahach ID mierkavana słužać kala 30 tysiač zamiežnych bajevikoŭ z bolš čym 100 dziaržavaŭ. U apošni čas dziakujučy dziejańniam mižnarodnaj kaalicyi ID byŭ naniesieny značny ŭron, havorycca ŭ dakładzie. U 2016 hodzie ŭ vyniku pavietranych udaraŭ kaalicyi pa naftapierapracoŭčych pradpryjemstvach i naftaschoviščach dachody terarystaŭ ad nafty mohuć skaracicca.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?