XXIII Minskaja mižnarodnaja knižnaja vystava-kirmaš projdzie biez udziełu Śviatłany Aleksijevič. Nijakich śpiecyjalnych mierapryjemstvaŭ z nobieleŭskim łaŭreatam nie zapłanavana. 

Śviatłana Aleksijevič na anałahičnaj vystavie ŭ Minsku ŭ 2014 hodzie

Śviatłana Aleksijevič na anałahičnaj vystavie ŭ Minsku ŭ 2014 hodzie

Hałoŭnyja ž temy majučaha adbycca forumu — 500-hodździe biełaruskaha knihadrukavańnia, 30-hodździe Čarnobylskaj katastrofy, 25-hodździe SND, jubilei kłasikaŭ ajčynnaj litaratury i Hod kultury. Pra heta na pres-kanfierencyi raspaviała ministr infarmacyi Lilija Ananič.

Tvorčaść Śviatłany Aleksijevič upisvajecca i ŭ zapłanavany farmat: «Čarnobylskaja malitva» — da hadaviny avaryi na ČAES, «Čas sekand chend» — da jubileju SND, a sam fakt atrymańnia piśmieńnicaj Nobieleŭskaj premii — da abvieščanaha Hodu kultury. Ale arhanizatary nie źbirajucca pravodzić takich paralelaŭ.

«Pravy na vydańnie knih Śviatłany Aleksijevič naležać rasijskamu vydaviectvu «Vriemia». Jany pryjazdžajuć da nas na vystavu. I, ja dumaju, što na ich stendzie buduć pradstaŭlenyja tvory nobieleŭskaha łaŭreata, — skazała ministr infarmacyi.- Biezumoŭna, hetaja tema znojdzie svajo adlustravańnie na vystavie. Asabliva ŭ asiarodździ litarataraŭ. Na simpoziumie piśmieńnikaŭ budzie iści razmova ŭ tym liku i pra tyja dasiahnieńni, jakija siońnia jość u biełaruskaj litaratury».

XXIII Minskaja mižnarodnaja knižnaja vystava projdzie z 10 pa 14 lutaha ŭ paviljonie na praśpiekcie Pieramožcaŭ, 14. Uvachod budzie volny. Hanarovy hość — Armienija. Usiaho ŭ śpisie ŭdzielnikaŭ — 29 krain.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?