Padručnik pa matematycy moža navučyć nie tolki składańniu, adymańniu, dzialeńniu i pamnažeńniu, ale i šmat jakim inšym apieracyjam. Naprykład, vyrabu nielehalnaj harełki abo padliku hałasoŭ na vybarach. U hetym pierakanalisia žurnalisty «Salidarnaści», jakija pahartali zbornik zadač dla ŭdzielnikaŭ Mižnarodnaha matematyčnaha konkursu «Kienhuru». Konkurs pravodzicca štohod pry padtrymcy Ministerstva adukacyi Biełarusi. Samu knihu vydajuć za košt unioskaŭ udzielnikaŭ.

Aŭtary zadačnika, napeŭna, kiravalisia śpiecyfičnymi biełaruskimi realijami, prydumlajučy ŭmovy zadačak. Naprykład, dzieciam prapanujuć padličyć, kolki jeŭra maje Tola. U knižcy ŭvohule niamała prykładaŭ z valutnymi apieracyjami, što vielmi aktualna va ŭmovach ciapierašniaj situacyi z kursam rubla.

Taksama jość prykłady z hulniavymi kartami i z padlikam hałasoŭ na vybarach u Kvietkavym horadzie, udzieł u jakich biare niejkaja Ahurkovaja partyja.

Ale najbolš značnaje praktyčnaje značeńnie moža mieć zadačka pra staruju Šapaklak, jakaja vyrašyła zrabić nielehalnuju harełku: dzieciam dajuć amal što recept raźviadzieńnia śpirtu vadoj z ukazańniem patrebnych praporcyjaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?