U Aŭstralii ŭ subotu na akcyju ŭ Kanbery z antyisłamskimi lozunhami sabralisia kala 400 čałaviek. Jany mitynhavali kala budynka parlamentu.

Adzin z apošnich vystupaŭ ruchu PEGIDA ŭ Kiolnie

Adzin z apošnich vystupaŭ ruchu PEGIDA ŭ Kiolnie

Jak adznačaje ahienctva DPA, akcyja była arhanizavanaja ŭ padtrymku ruchu PEGIDA, jaki vystupaje suprać «isłamizacyi Zachadu». Jon byŭ stvorany ŭ Niamieččynie, ale paźniej jaho prychilniki źjavilisia i ŭ inšych dziaržavach.

U subotu PEGIDA i inšyja analahičnyja arhanizacyi zaplanavali demanstracyi ŭ 14 krainach śvietu. Akramia Aŭstralii i FRN, pratesty arhanizujucca ŭ Čechii, Polščy, Niderlandach.

Ab niekalki vystupach PEGIDA, jakija supravadžalisia biesparadkami, paviedamlałasia paśla niadaŭnich napadaŭ na žančyn u Kiolnie i šerahu inšych haradoŭ Niamieččyny i inšych eŭrapiejskich krainaŭ. Mnohija abvinavačvajuć u hetych napadach uciekačoŭ z krain Blizkaha Ŭschodu i Afryki.

U minułym hodzie kolkaść uciekačoŭ, jakija prybyli ŭ Eŭropu, dasiahnuła rekordnaha ŭzroŭniu.

Клас
0
Панылы сорам
0
Ха-ха
0
Ого
0
Сумна
0
Абуральна
0