Ukraina moža adnavić paŭnavartasny ekspart elektraenierhii ŭ Biełaruś i Małdovu ŭžo ŭ sakaviku, paviedamiŭ ministr enierhietyki i vuhalnaj pramysłovaści Ukrainy Uładzimir Dziamčyšyn 5 lutaha na pasiadžeńni kamiteta Viarchoŭnaj rady pa paliŭna-enierhietyčnym kompleksie.

«Praviali pieramovy ź Litvoj, Biełaruśsiu i Małdovaj… Pierakanany, što z krasavika dakładna, a moža, navat užo z sakavika budziem adnaŭlać ekspart elektraenierhii», — cytuje čynoŭnika ahienctva «Interfaks-Ukraina».

Na siońnia ekspart elektraenierhii faktyčna ažyćciaŭlajecca tolki ŭ Jeŭropu: u studzieni na 14,066 młn dalaraŭ ZŠA, pry hetym u Małdovu — na 0,097 młn, na Biełaruś — na 0,003 młn.

Va Ukrainie nazirajecca istotnaje padzieńnie spažyvańnia elektraenierhii. Tak, pryvatny enierhachołdynh DTEK, jakomu padkantrolnyja try ź piaci ciepłavych enierhahienieryrujučych kampanij (HK TES), u pačatku lutaha paviedamiŭ, što amal pałova enierhabłokaŭ TES kampanii, całkam zabiaśpiečanych palivam, zastajecca ŭ reziervie. Pa stanie na 1 lutaha 24 enierhabłoki DTEK z 55 nie zapatrabavanyja i prastojvajuć. U cełym pa stanie na 1 lutaha 29 pylavuhalnych enierhabłokaŭ TES va Ukrainie nie zapatrabavanyja.

Akramia taho, pra bałansavyja abmiežavańni z boku NEK «Ukrenierha» paviedamiŭ apieratar AES Ukrainy NAEK «Enierhaatam».

U 2015 hodzie Ukraina ekspartavała elektraenierhiju na 150,057 młn dalaraŭ, u tym liku ŭ Vienhryju na 144,907 młn, Polšču — na 2,722 młn, Małdovu — na 1,173 młn, u inšyja krainy — na 1,255 młn. U 2015 hodzie Ukraina ekspartavała 3,6 miljardaŭ kVt•h, u 2014-m — 8,1 młrd kVt•h, u 2013-m — 9,9 młrd kVt•h, u 2012-m — 9,7 młrd kVt•h.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?