Hałoŭnym śledčym upraŭleńniem Śledčaha kamiteta Biełarusi vyśviatlajucca abstaviny hibieli dvuch žančyn, cieły jakich byli znojdzienyja 5 lutaha ŭ pamiaškańni charčabłoka adnoj z kaviarniaŭ Słucka. Pra heta paviedamiła aficyjny pradstaŭnik SK Julija Hančarova.

Na miescy pracujuć śledčyja centralnaha aparata Śledčaha kamiteta, a taksama śpiecyjalisty Dziaržaŭnaha kamiteta sudovych ekśpiertyz.

Razhladajucca roznyja viersii zdareńnia, u tym liku atručeńnie čadnym hazam. Učora kaviarnia pracavała pa śpieczakazie, žančyny hatavali ježu dla mierapryjemstva.

Pa fakcie słužbovaj chałatnaści, jakaja pryviała da hibieli dvuch čałaviek, raspačataja kryminalnaja sprava pa art. 428 KK. Staršynioj Śledčaha kamiteta jana ŭziataja na asabisty kantrol.

U ciapierašni čas śledčyja praciahvajuć ahlad, vyvučajuć kanfiskavanuju techničnuju dakumientacyju, dapytvajuć śviedkaŭ. Pryznačanyja ekśpiertnyja daśledavańni.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?