Pavodle apošnich dadzienych, siem čałaviek zahinuli i 155 atrymali traŭmy ŭ vyniku ziemlatrusu na poŭdni Tajvania ranicaj u subotu.

Siarod zahinułych — 10-hadovaje dzicia, pieradaje Asašyejted pres.

U adnym z bujnych haradoŭ Tajvania, Tajnań, dzie žyvuć kala dvuch miljonaŭ čałaviek, abrynulisia niekalki budynkaŭ, inšyja niebiaśpiečna nachililisia.

Zvyš za 220 čałaviek ratavalniki dastali žyvymi z-pad abłomkaŭ.

Ahienctva Rejter sa spasyłkaj na pažarnuju słužbu horada paviedamlaje, što z ruinaŭ 17-paviarchovaha žyłoha doma byli vyratavanyja 123 čałavieki, pry tym, što ŭ im pražyvali ahułam kala 240 čałaviek.

Pavodle dadzienych Frans pres, ratavalnikam udałosia dastać 30 čałaviek z-pad abłomkaŭ inšaha, siamipaviarchovaha, doma.

AP

AP

Ziemlatrus adbyŭsia kala čatyroch ranicy pa miascovym časie, kali bolšaść ludziej znachodzilisia doma. Za pieršym šturškom byli jašče piać. Mahnituda skłała 6,4.

Epicentr znachodziŭsia na hłybini 10 km, što paraŭnalna niašmat, a značyć, nastupstvy ŭdaru stychii mahli być i bolš ciažkimi.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?