Praviedzieny analiz knižnaha rynku za minuły hod. Hałoŭnaja vysnova — manapalistaŭ bolš niama. Heta značyć, u vydańni padručnikaŭ, zrazumiełaja sprava, dziaržava pa-raniejšamu adhaniaje pałkaj usich ad «Narodnaj aśviety», ale na čystym rynku situacyja kančatkova vyraŭniałasia.

Voś dadzienyja pa kolkaści najmieńniaŭ i tyražach.

Vydaviectva najm. % najm. Tyraž, tys % tyraž Siar. tyraž
Aviersev 469 4,6% 4438,8 20,6% 9464
Adukacyja i vychavańnie 59 0,6% 236,5 1,1% 4008
Alternatyva 70 0,7% 34,6 0,2% 494
Biełaruskaja navuka 144 1,4% 41,8 0,2% 290
Biełaruskaja encykłapiedyja 60 0,6% 153,7 0,7% 2562
Bieły viecier 524 5,1% 1014,2 4,7% 1935
Bukmaścier 83 0,8% 705,5 3,3% 8500
Vyšejšaja škoła 96 0,9% 132 0,6% 1375
Źviazda 58 0,6% 106,9 0,5% 1843
IP Varaksin 102 1,0% 28,9 0,1% 283
Knižny dom 102 1,0% 415,7 1,9% 4075
Kaŭčeh 159 1,6% 43,2 0,2% 272
Krasika 53 0,5% 104,5 0,5% 1972
Mastackaja litaratura 57 0,6% 174 0,8% 3053
Narodnaja aśvieta 109 1,1% 544,6 2,5% 4996
Novyja viedy 76 0,7% 285 1,3% 3750
Astatnija 6811 66,5% 9950,2 46,2% 1461
Pačatkovaja škoła 81 0,8% 612,3 2,8% 7559
Papury 233 2,3% 843,9 3,9% 3622
Prava i ekanomika 134 1,3% 15,1 0,1% 113
Prof-pres 74 0,7% 55,9 0,3% 755
Sodiejstvije 146 1,4% 210,1 1,0% 1439
Ser-Vit 107 1,0% 428,4 2,0% 4004
Charviest 214 2,1% 491,4 2,3% 2296
Čatyry čverci 75 0,7% 38,1 0,2% 508
Encykłapiedyks 54 0,5% 9,2 0,0% 170
JuniPresMarkiet 87 0,8% 438,5 2,0% 5040

Dadzienyja ŭ vyhladzie dyjahram.

Jak bačycie, tolki «Aviersev» źlohku vybivajecca pa nakładach, ale heta zrazumieła, uličvajučy, jakuju mienavita litaraturu jon drukuje.

«Charviest» i pa nazvach, i pa tyražy zachoŭvaje ścipłuju dolu, krychu bolš za dva adsotki.

U mastackaj i dziciačaj litaratury padobnaja situacyja.

Tut raduje «Papury». Mabyć, niezdarma jany vydavali biełaruskuju kłasiku ŭ farmacie pokiet. Nu, i «Mastackaja litaratura» zajmaje na ździŭleńnie vialikuju dolu — 13,4% pa nakładach.

«Knižny dom» praciahvaje cicha i ŭpeŭniena daminavać. «Charviesta» siarod lidaraŭ «dziciačaha» siehmienta naohuł nie zaŭvažana.

Ale samaje cikavaje pačynajecca, kali analizuješ movy vydańnia. U 2015 hodzie na ruskaj movie było nadrukavana 8227 knih ahulnym nakładam amal 16 miljonaŭ asobnikaŭ. Na biełaruskaj — 1168 (u siem razoŭ mienš) tyražom 3.680.700 (u 4,3 raza mienš). Zdavałasia b, sumnaja statystyka, ale, jak havorycca ŭ adnym starym aniekdocie, «jość niuans».

Pa-pieršaje, siaredni nakład biełaruskamoŭnych knih u paŭtara raza vyšejšy, čym ruskamoŭnych (3151 suprać 1945).

Pa-druhoje, usio spaznajecca ŭ dynamicy. U 2010 hodzie suadnosiny było źlohku inšyja: 9461 ruskamoŭnych knih i 951 biełaruskamoŭnych (roźnica ŭ 10 razoŭ!). Pa nakładach suadnosiny 37.305.300 na 4.019.500 (u 9,3 raza!).

Jašče cikaviej stanovicca, kali paraŭnoŭvaješ vypusk mastackaj i dziciačaj litaratury ŭ 2010 i 2015 hadach.

Kali ŭ 2010 hodzie najmieńniaŭ mastackaj litaratury na ruskaj movie było ŭ 6,4 raza bolš, čym na biełaruskaj, to ŭ 2015 — usiaho na 30%! I ŭ dziciačaj litaratury suadnosiny źmianiłasia. Było 1:12,6, stała 1:4. Źmieny na paradak!

Z nakładami takaja ž situacyja.

U 2010 hodzie suadnosiny mastackich knih na ruskaj movie było ŭ 86 (!) razoŭ bolš, čym na biełaruskaj. U 2015 — usiaho na 27%. Dziciačaja litaratura ŭ 2010 była nadrukavanaja nakładam u 16 razoŭ bolšym, čym biełaruskaja. U 2015 — u čatyry razy.

Adnak pryčyn dla radaści zamała. Situacyja vyraŭnivajecca nie stolki za košt rostu biełaruskamoŭnych vydańniaŭ, kolki za košt padzieńnia vypusku knih na ruskaj.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?