U Ščučynie (Hrodzienskaja vobłaść) 6 vieraśnia prachodzić CHCHII Dzień biełaruskaha piśmienstva.
Na ŭračystym adkryćci śviata pryvitalnaje słova jaho ŭdzielnikam ad imia Alaksandra Łukašenki začytaŭ namieśnik kiraŭnika Administracyi prezidenta Biełarusi Ihar Buzoŭski. Kiraŭnik dziaržavy pažadaŭ udzielnikam Dnia biełaruskaha piśmienstva «tvorčaha natchnieńnia i raboty na karyść hramadstva».
Łukašenka adznačyŭ, što «za 500 hadoŭ isnavańnia biełaruskaha piśmienstva projdziena vialikaja daroha ŭ raźvićci hramadstva». Jon taksama padkreśliŭ, što z 1994 hoda śviata Dnia biełaruskaha piśmienstva «prajšło amal usiu krainu».
Vice-premjer Biełarusi Michaił Rusy padziakavaŭ usim, chto ŭdzielničaŭ u arhanizacyi śviata, i adznačyŭ, što «z časoŭ Jefrasińni Połackaj i Francyska Skaryny kniha zastavałasia fundamientam raźvićcia hramadstva». Pavodle jaho słoŭ, sioleta vyjšła 11 tys. knih i brašur ahulnym nakładam 30 młn. asobnikaŭ.
Paśla vystupleńnia čynoŭnikaŭ adbyłosia mastacka-teatralizavanaje dziejańnie «Kvitniej, Biełaruś naša rodnaja!», padčas jakoha byli pračytanyja ŭryŭki ź litaraturnych tvoraŭ biełaruskich kłasikaŭ.
