Praca zdymačnaj hrupy rasijskaha prapahandysckaha telekanała NTV na čale z žurnalistam Alaksiejem Prokinym na minskim aŭtavakzale «Uschodni», dzie maskoŭskija televizijniki sprabavali źniać repartaž ab prybyćci ŭ biełaruskuju stalicu byłoha palitviaźnia Mikoły Statkieviča, była surjozna ŭskładnienaja.

Ludzi, jakija pryjechali sustrakać vyzvalenaha palityka, sustreli rasijskich prapahandystaŭ sapraŭdnym žyvym kołam hańby.

Videa: Radyjo Svaboda

U pryvatnaści, karespandentu Alaksieju Prokinu pryjšłosia niekalki razoŭ pierapisvać svoj stend-ap (płan, u jakim žurnalist načytvaje tekst na kamieru). Usie dubli, jakija prapahandysty pasprabavali źniać na fonie natoŭpu biełarusaŭ, što sustrakali Statkieviča, pryjšłosia vydalić. Pryčyna tamu — vykryki natoŭpu «Słava Ukrainie!» i «Krym — heta Ukraina!».

U vyniku repartaž u efir NTV usio ž vyjšaŭ. Zrazumieła, usie płany, na jakich biełarusy vykrykvali łozunhi ŭ padtrymku Ukrainy, z materyjału akuratna vyrazali pry mantažy.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?