Ukrainiec Uładzimir Katruk, suprać jakoha ŭ Rasii zaviali kryminalnuju spravu za ŭdzieł u spalvańni žycharoŭ Chatyni, pamior u Kanadzie va ŭzroście 93 hadoŭ.
«Mnohija hady ŚMI biespadstaŭna pieraśledavali mistera Katruka. Ja vielmi rady, što ciapier jon pakoicca ź miram», — zajaviŭ jaho advakat Arest Rudzik.
Litaralna za dzień da jahonaj zajavy namieśnik hienieralnaha prakurora Rasii Alaksandr Źviahincaŭ paviedamiŭ, što Kanada admoviłasia vydać Katruka Rasii.
Uładzimir Katruk uvachodziŭ u dziasiatku najbolš šukanych centram Simona Vizientala nacysckich złačyncaŭ. Jon byŭ znojdzieny ŭ kvebekskim municypalitecie Manterežy ŭ Kanadzie.
Katruk apošnija hady razvodziŭ pčoł. Padčas dopytu jon admaŭlaŭ usie suviazi z nacystami, zajaviŭšy, što ničoha nie viedaje pra «śpis Vizientala».
