Vakalist haradzienskich hurtoŭ «Kaljan», «Ludzi na bałocie» i Dzieciuki Aleś Dzianisaŭ pryjedzie ŭ Miensk 21 lutaha, kab pradstavić solnuju prahramu «Karotkaja historyja Biełarusi», napisanuju na vieršy Alesia Čobata.
Prahrama na vieršy paeta ź miastečka Skidal stvarałasia pieršapačatkova hurtom «Ludzi na bałocie», ale ŭ vyniku Aleś Dzianisaŭ vyrašyŭ pradstavić jaje ŭ solnaj jakaści, pad adnu hitaru. Kab zrabić akcent mienavita na słovy dy nie zhubić sens u tłumie instrumentaŭ. «Aleś Čobat – hienijalny tvorca. Ja nie sustrakaŭ paeta, jaki stvaraje nastolki mocnyja vobrazy. Kožnaja drobiaź – nia prosta tak, – kaža Aleś. – Uražvaje, jak jon prosta fantastyčna abiraje štości važnaje ŭ niejkaj histaryčnaj padziei j mienavita heta padkreślivaje, nibyta vyciahvaje sa stohu sałomy ihołku».
Prahrama na vieršy Alesia Čobata zaviecca «Karotkaja historyja Biełarusi». Na adnu ź piesień na jaje – «Turma» – niadaŭna byŭ źniaty klip, u zdymkach jakoha paŭdzielničaŭ i sam paet.
Kancert Dzianisava projdzie ŭ klubie «Hrafici» 21 lutaha ŭ 20.30. Aleś na jaho pryjedzie adrazu paśla vystupu hurta Dzieciuki u Biełdziaržfilarmonii na 80-hodździ Siarhieja Kartesa. Jon budzie składacca ź dźviuch častak. U pieršaj muzyka prezentuje novuju prahramu, u druhoj – praśpiavaje niekalki nieviadomych kampazycyj, jakija nidzie dahetul nie hučali. A dla bolšaj dušeŭnaści pa zajaŭkach hledačoŭ zajhraje j pieśni hurtoŭ, u jakich biare ŭdzieł. Kvitki na viečarynu buduć kaštavać symbalična – 60 000 rub. (u papiarednim prodažy).
