Ministerstva kultury Biełarusi prapanuje 2016 hod abjavić Hodam kultury. Ab hetym paviedamiŭ siońnia na kalehii Ministerstva kultury pa vynikach raboty ŭ 2014 hodzie kiraŭnik viedamstva Barys Śviatłoŭ.
Pavodle słoŭ ministra, čas patrabuje vysokaj adkaznaści, samaaddačy, dziełavoj aktyŭnaści i raźliku na ŭłasnyja resursy i mahčymaści. Kiraŭnik viedamstva akreśliŭ aktualnyja zadačy, nad jakimi ŭsim rabotnikam haliny daviadziecca pracavać u hetym hodzie.
U pieršuju čarhu budzie vieścisia rabota pa raspracoŭcy i pryniaćci dziaržaŭnaj prahramy «Kultura 2020». U halinie pravavoha zabieśpiačeńnia pradoŭžycca supravadžeńnie prajekta Kodeksa ab kultury, zaviaršeńnie raboty nad im płanujecca ŭ biahučym hodzie. Budzie vieścisia manitorynh narmatyŭna-pravavoj bazy z metaj uniasieńnia karekcirovak u zakanadaŭstva z ulikam patrebnaściej praktykaŭ.
Ministr źviarnuŭ uvahu na takuju važnuju pazicyju, jak aptymizacyja raschodavańnia srodkaŭ u halinie kultury, naroščvańnie pazabiudžetnych dachodaŭ arhanizacyj, abjomaŭ sponsarskaj dapamohi.
Aptymizacyja budzie pradoŭžana taksama i ŭ adnosinach da kadraŭ. Ministr padkreśliŭ, što važna pravodzić analiz vynikaŭ aptymizacyi struktury ŭstanoŭ kultury, štatnaj kolkaści ŭ arhanizacyjach, upłyvu na zabieśpiačeńnie jakaści akazvajemych nasielnictvu pasłuh.
