Ukraina, pa vialikim rachunku, bankrut, — zajaviŭ eks-prezident krainy Leanid Kučma paśla pasiadžeńnia kruhłaha stała ŭ Kijevie z udziełam Viktara Janukoviča i lidaraŭ apazicyi.

Były prezident krainy zajaviŭ taksama, što paśla hetaha kruhłaha stała «jon absalutna ŭpeŭnieny — nijakaje pahadnieńnie pra Mytny sajuz Ukrainy z Rasijaj padpisana nie budzie».

U toj ža čas jon z horyčču dadaŭ: «Kali ja raskažu ŭsio, što dumaju pra toje, što adbyvajecca, mnie tre' budzie vyjechać z krainy». Heta prahučała, jak krytyka dziejnaści administracyi Janukoviča i, u pieršuju čarhu, premjera Azarava.

Pra heta paviedamlajuć u tvitary žurnalisty, jakija prysutničali na kruhłym stale.

Janukovič ahučyŭ svoj płan urehulavańnia palityčnaha kryzisu: maratoryj na siłavyja dziejańni, kruhły stoł, amnistyja ŭ aŭtorak i pakarańnie pravakataraŭ. Nijakich adstavak jon nie praduhledžvaje.

Apazicyja, u svaju čarhu, patrabuje adstaŭki ŭrada i kryminalnuju spravu suprać ministra ŭnutranych spravaŭ Zacharčanki za dźvie sproby razhonu Majdanu i źbićcio demanstrantaŭ.

Z tymi razhonami kamiedyja. Na kruhłym stale Viktar Janukovič čarhovy raz vykazaŭ abureńnie «tymi padziejami, jakija adbyvalisia na Majdanie ŭ noč z aŭtorka na sieradu». Raniej jon asudziŭ taksama pieršy razhon Majdanu — maŭlaŭ, heta była inicyjatyva pravaachoŭnikaŭ.

«Ja aburany tymi radykalnymi dziejańniami, jakija byli na Majdanie, jak z boku, adkryta skažu, pravakataraŭ, tak i z boku siłavych struktur, jakija pavodzili siabie nie zaŭždy adekvatna», — skazaŭ jon.

Siońnia na svabodu vyjšli 8 z 9 zatrymanych u časie biesparadkaŭ kala Administracyi prezidenta 1 śniežnia.

Što datyčyć mižnarodnaha kantekstu, to Jeŭrasajuz prapanavaŭ Ukrainie adnavić pieramovy z MVF pad svaje harantyi. Ukrainski vice-premjer Siarhiej Arbuzaŭ siońnia pravioŭ pieramovy ŭ Bruseli ź jeŭrakamisaram pa pytańniach pašyreńnia ES Štefanam Fiule. Vice-premjera supravadžała vialikaja delehacyja.

Na niadzielu zapłanavana čarhovaje vialikaje narodnaje vieča apazicyi.

A ŭradavaja Partyja rehijonaŭ zvozić aŭtobusami biudžetnikaŭ na svoj mitynh, što maje adbycca na susiedniaj Jeŭrapiejskaj płoščy.

Jak čakajecca, u niadzielu na vulicy Kijeva vyjduć sotni tysiač ludziej.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?