Maskva i Minsk uzhadnili abjom pastavak rasijskaj nafty ŭ Biełaruś u pieršym kvartale na ŭzroŭni 5,75 miljona ton. U śniežni baki raźličvajuć padpisać bałans na ŭvieś 2014 hod, paviedamiŭ premjer-ministr Biełarusi Michaił Miaśnikovič siońnia ŭ Maskvie paśla pieramoŭ sa svaim rasijskim kaleham Dźmitryjem Miadźviedzievym.

«Siońnia my damovilisia, što pasprabujem u śniežni hetaha hoda padpisać bałans na nastupny hod. My prosim 23 miljony (ton nafty), rasijskija kalehi, paličyŭšy mahčymaści, spyniajucca pakul na 21 miljonie, ale nie zakryvajuć, ja tak razumieju, temu dla pieramoŭ dla taho, kab zblizić voś hetyja dźvie ličby», — cytuje Miaśnikoviča RIA Novosti.

U svaju čarhu Miadźviedzieŭ zajaviŭ, što rasijskamu boku nieabchodna prazrystaść situacyi z pastaŭlenymi Biełarusi naftapraduktami. «Važna, kab na hetym rynku nie było złoŭžyvańniaŭ. Zaŭsiody jość peŭnyja ludzi, jakija žadajuć zarabić dadatkovyja hrošy za košt manipulavańnia tymi ci inšymi praviłami. Takim ludziam treba bić pa rukach, i pra heta my ź biełaruskimi partniorami taksama damovilisia», — skazaŭ rasijski premjer.

«Važna, kab hety rynak byŭ prazrystym, kab my razumieli, što ŭ im adbyvajecca, što adbyvajecca z rasijskimi naftapraduktami, jakija pastaŭleny ŭ Biełaruś, jaki abjom ź ich pierapracoŭvajecca, što viartajecca da nas u vyhladzie bienzinu», — padkreśliŭ Miadźviedzieŭ.

Nahadajem, napiaredadni 2013 hoda Rasija admoviłasia padpisvać ź Biełaruśsiu hadavy bałans pastavak, aścierahajučysia adnaŭleńnia Minskam šeraha ekspartu rastvaralnikaŭ i razbavicielaŭ. Sioleta pastaŭki nafty ažyćciaŭlajucca ŭ miežach hrafikaŭ, jakija štokvartalna zaćviardžajucca. Kožny kvartał na biełaruskija NPZ pastupała 5,75 młn. ton rasijskaj nafty. Na siońniašnim pasiadžeńni ŭ Maskvie biełaruski bok raźličvaŭ damovicca pra pastaŭki na 2014 hod.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?