Biełaruś hanarycca adnosinami z takoj vialikaj dziaržavaj, jak Kitaj. Ab hetym zajaviŭ Alaksandr Łukašenka siońnia na sustrečy z Nadzvyčajnym i Paŭnamocnym Pasłom Kitajskaj Narodnaj Respubliki ŭ Respublicy Biełaruś Hun Cziańvejem z nahody zaviaršeńnia jaho dypłamatyčnaj misii ŭ našaj krainie.

«My hanarymsia, što ŭ nas takija adnosiny z hetaj vialikaj dziaržavaj, — padkreśliŭ Łukašenka. — I jany pačali składvacca daŭno, kali Kitaj tolki ŭstavaŭ na nohi. I tady my ŭbačyli ŭ raźvićci Kitaja tyja rastki, na jakija nam treba było źviarnuć uvahu. My mnohamu navučylisia ad Kitajskaj Narodnaj Respubliki».

Łukašenka nahadaŭ, što jašče budučy deputatam rekamiendavaŭ pryhladacca da vopytu Kitaja. «My, vielmi ŭvažliva vyvučajučy vopyt Kitaja, ja liču, pravilna saryjentavalisia, i ŭ nas užo vialikaja historyja adnosin z hetaj dziaržavaj», - skazaŭ Alaksandr Łukašenka.

Kiraŭnik dziaržavy padkreśliŭ, što pasoł Kitaja «byŭ nadziejnym siabram i staraŭsia skleić adnosiny pamiž dziaržavami ŭ adroźnieńnie ad niekatorych pasłoŭ, jakija robiać zusim naadvarot». Alaksandr Łukašenka vykazaŭ nadzieju, što toj vopyt i viedy, jakija Hun Cziańvej nabyŭ u Biełarusi, daduć jamu mahčymaść i dalej sadziejničać umacavańniu adnosin pamiž Kitajem i Biełaruśsiu.

Pavodle słoŭ Łukašenki, u Biełarusi kožny, kali jaho spytać pra supracoŭnictva Biełarusi i Kitaja, raskaža šmat i heta budzie pazityŭny vodhuk.

«Kitaj — heta ŭžo nie budučynia płaniety, heta — sučasnaść», - pierakanany Alaksandr Łukašenka. Na jaho dumku, niemahčyma pryniać rašeńnie pa hłabalnych i rehijanalnych pytańniach, nie ŭličvajučy pazicyi i mierkavańnia Kitaja.

Na dumku kiraŭnika dziaržavy, niamała zroblena ŭ supracoŭnictvie pamiž Biełaruśsiu i Kitajem, u tym liku i za apošnija dva hady.

Jon adznačyŭ rolu Hun Cziańveja va ŭmacavańni družby pamiž narodami dźviuch krain.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?