Padviedzieny vyniki litaraturnaha konkursu “Ekślibrys” imia Janki Maŭra.

Jak paviedamiła pres-słužba Sajuza biełaruskich piśmieńnikaŭ, siarod tvoraŭ, padadzienych na konkurs, byli komiksy, pierakłady i cełyja prajekty knih, a siarod 117 udzielnikaŭ — šmat talenavitych aŭtaraŭ. U vyniku haračych abmierkavańniaŭ byli nazvanyja 12 finalistaŭ: try pieramožcy i dzieviać dypłamantaŭ.

Aceńvała raboty maładych aŭtaraŭ žury ŭ składzie biełaruskich piśmieńnikaŭ Aleny Masła, Alesia Paškieviča, Ludmiły Rubleŭskaj, Piatra Vasiučenki, Sierža Minskieviča.

Pieršaje miesca žury prysudziła Volzie Hapiejevaj za kazačnyja historyi "Sumny sup".

Druhoje miesca zavajavała Darja Vaškievič z kazkaj "Bavaŭnianaja dziaŭčynka". Treciaje miesca ŭ "Čaraŭnika krainy Oz" Frenka Baŭma, pierakładzienaha na biełaruskuju movu Sieržukom Miadźviedzievym.

Siarod dypłamantaŭ konkursu — Siarhiej Kalenda, Daša Zaičanka, Lida Naliŭka, Nadzieja Kandrusievič, Pavał Kaściukievič, Natalla Rudak, Ksienija Štalenkova, Aleś Kvitkievič, Hleb Łabadzienka, Eleanora Lachnovič, a taksama 13-hadovaja Miłana Pasanien, jakaja stała sapraŭdnym adkryćciom konkursu.

Usie finalisty atrymajuć dypłomy i śpiecyjalnyja pryzy ad Sajuza biełaruskich piśmieńnikaŭ. Uračystaje ŭznaharodžańnie łaŭreataŭ konkursu "Ekślibrys" adbudziecca 12 kastryčnika ŭ 18.00 u halerei sučasnaha mastactva "Ŭ".

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?