Biełaruskaja čyhunka pašyraje sietku prodažu prajaznych dakumientaŭ u letni pieryjad.
Jak paviedamili ŭ pres-słužbie BČ, viadziecca aktyŭnaja praca pa zabieśpiačeńni pieravozak pasažyraŭ, palapšeńni jakaści absłuhoŭvańnia. U tym liku dla pamianšeńnia čerhaŭ u biletnyja kasy skarektavany režym ich pracy, adkryvajucca dadatkovyja kasy.
Tolki ŭ Minsku da kanca maja budzie arhanizavana praca 45 biletnych kas. Heta na dzieviać kas bolš, čym pracavała ŭ letni siezon minułaha hoda.
Na siońnia adkryta adna dadatkovaja kasa na punkcie prypynku Instytut kultury, adna dadatkovaja kasa — u zale pavyšanaj kamfortnaści "Kłub SV" na čyhunačnym vakzale ŭ Minsku, piać dadatkovych kas — na vulicy Babrujskaja, 4. Pry ŭzrastańni pasažyrapatoku płanujecca adkryć dźvie dadatkovyja kasy na vulicy Varanianskaha, 6.

Adrasy i čas pracy ŭsich čyhunačnych biletnych kas, a taksama interaktyŭnaja karta, na jakoj možna znajści miescy ich raźmiaščeńnia ŭ Minsku i Minskim rajonie, raźmieščany na karparatyŭnym sajcie Biełaruskaj čyhunki (www.rw.by).

Akramia taho, BČ raźvivaje sučasnyja technałohii prodažu prajaznych dakumientaŭ i zaklikaje pasažyraŭ bolš aktyŭna nabyvać bilety praź internet i płaciežna-daviedačnyja terminały samaabsłuhoŭvańnia. U režymie anłajn z vykarystańniem pasłuhi elektronnaj rehistracyi možna kupić bilet na ŭsie ciahniki, jakija kursirujuć u miežach Biełarusi, a taksama na 16 par mižnarodnych ciahnikoŭ Biełaruś — Rasija i ciahnik Minsk — Ryha.

Na čyhunačnych vakzałach u Minsku i Viciebsku možna nabyć bilety na ciahniki haradskich linij i rehijanalnych linij ekanam-kłasa pry dapamozie płaciežna-daviedačnych terminałaŭ samaabsłuhoŭvańnia. Praces afarmleńnia praź ich biletaŭ sioleta byŭ značna sproščany.

Siońnia ŭ Minsku i Minskim rajonie kupić čyhunačny bilet na ciahniki pa Biełarusi, u krainy SND i Bałtyi možna pa nastupnych adrasach:
na vakzale — Pryvakzalnaja płošča, 3 (štodnia kruhłasutačna); u čyhunačnych kasach na vulicy Babrujskaja, 4 (štodnia z 8.00 da 21.00); u čyhunačnych kasach na vulicy Varanianskaha, 6 (budnyja dni z 8.00 da 20.00, subota i niadziela z 8.00 da 19.00); u mižnarodnych kasach na vulicy Kirava, 2 (prajaznyja dakumienty, apłačanyja praź internet, a taksama prajaznyja dakumienty na ciahniki dalokaha zamiežža — štodnia i kruhłasutačna).

Bilety taksama možna nabyć na stancyjach i punktach prypynku BČ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?