Namieśnik ministra zamiežnych spraŭ Biełarusi Valancin Rybakoŭ 20–23 maja znachodzicca ź vizitam u Maputu (Mazambik).

U składzie biełaruskaj delehacyi taksama pasoł Biełarusi ŭ PAR (Anhole, Zimbabve, Mazambiku i Namibii pa sumiaščalnictvie) Andrej Mołčan, hienieralny dyrektar AAT «Pramahralizinh» Pavieł Krupnoŭ, pradstaŭniki RUP «MTZ», AAT «MAZ» i AAT «Amkador».

20 maja Rybakoŭ vystupiŭ na cyrymonii adkryćcia pastajanna dziejnaj vystavy-prodažu biełaruskaj techniki i abstalavańnia ŭ Maputu, raźmieščanaj na płoščach sumiesnaha biełaruska-mazambikskaha pradpryjemstva BelAfrica Ltd. Jon taksama pravioŭ sustreču z hubiernataram pravincyi Maputu Maryjaj Žoneš, jakaja vykazała zacikaŭlenaść u naładžvańni supracoŭnictva ź Biełaruśsiu, pieršym čynam u śfiery vytvorčaści praduktaŭ charčavańnia. Akramia taho, adbylisia pieramovy namieśnika ministra z pradstaŭnikami mazambikskich dziełavych kołaŭ.

U miežach znachodžańnia ŭ Maputu zapłanavanyja sustrečy namieśnika kiraŭnika źniešniepalityčnaha viedamstva Biełarusi z prem'jer-ministram Mazambika Albiertu Vakinam, kiraŭnictvam ministerstvaŭ zamiežnych spraŭ, pramysłovaści i handlu, sielskaj haspadarki, abarony, Sajuza pradprymalnikaŭ i Fondu sielskahaspadarčaha raźvićcia Mazambika.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?