Siabry Biełaruskaj Nacyjanalnaj Pamiaci razam ź inšymi aktyvistami praviali rovarny rejd pamiaci hienierała Stanisłava Bułak-Bałachoviča, paviedamlaje paviedamlaje radyjo «Racyja». Rejd prajšoš ŭžo 4-y hod zapar ŭ Varšavie pa miescach, źviazanych ź imiem hienierała. Paviedamiŭ arhanizatar rejdu Anatol Michnaviec: «Biełarusy, jakija žyvuć u Varšavie, siońnia prajechali tradycyjnym šlacham z centra Varšavy ad pomnika de Hola na rajon Saska Kempa, tam, dzie zahinuŭ Stanisaŭ Bułak-Bałachovič. Kala pamiatnaj šyldy my ŭzhadali jaho chvilinaj maŭčańnia, paźniej rušyli praz centr Varšavy na Pavonzkija mohiłki, tam dzie jość simvaličnaja mahiła hienierała Bułak-Bałachoviča. My jechali na rovarach z bieł-čyvona-biełymi ściahami, i ŭ adnym miescy sustreli biełaruskija aŭtamabili, jakija nam pasihnalili. Z dobrymi ŭražańniami, biez zdareńniaŭ my prajechali hety maršrut».

Bułak-Bałachovič zahinuŭ 10 traŭnia 1940 hoda ŭ Varšavie. Pa najbolš raspaŭsiudžanaj viersii, hienierała Bułak-Bałachoviča, jaki nie nadaŭ ŭvahi kanśpiracyi, u 1940 hodzie ahienty hiestapa zastrelili siarod biełaha dnia ŭ centry Varšavy. Cieła hienierała hiestapaŭcy vyvieźli, dahetul niezrazumieła, dzie i što ź im stała, adznačaje Anatol Michnaviec.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?