Na hetym tydni śpiakota pakinie Biełaruś, ale nadvorje zastaniecca niaŭstojlivym — daždžy buduć vypadać roznaj intensiŭnaści i vielmi nieraŭnamierna, navat u miežach adnaho nasielenaha punkta.

U aŭtorak nadvorje budzie vyznačacca ŭpłyvam frantalnych raździełaŭ, atmaśfierny cisk budzie słaba padać. Nočču miescami, a dniom na bolšaj častcy terytoryi Biełarusi projduć karotkačasovyja daždžy, u asobnych rajonach — navalnicy. U načnyja i ranišnija hadziny miescami čakajecca słaby tuman. Tempieratura pavietra nočču 10—17°S, dniom 20—26°S.

U sieradu i čaćvier atmaśfierny cisk krychu padraście i navalničnych vobłakaŭ budzie mienš. Miescami projduć karotkačasovyja daždžy, dniom u asobnych rajonach — navalnicy. Tempieratura pavietra nočču čakajecca ad 7 da 14°S, dniom 18—24°S, pa Homielskaj vobłaści da 26°S.

U piatnicu ŭ zonie vialikich kantrastaŭ tempieratur nad Mižziemnym moram čakajecca ŭtvareńnie aktyŭnaha cykłona, jaki budzie ruchacca ŭ paŭnočnym napramku cieraz Polšču. U piatnicu i subotu hety atmaśfierny vichar budzie asnoŭnym nadvorjestvaralnym faktaram dla Biełarusi: na bolšaj častcy terytoryi projduć daždžy, miescami, u asnoŭnym pa zachadzie krainy, daždžy buduć mocnymi. U asobnych rajonach respubliki projduć navalnicy, padčas jakich mahčymyja škvalistyja ŭzmacnieńni vietru. Tempieratura pavietra nočču čakajecca 9—16°S, dniom 15—22°S, pa paŭnočnym uschodzie da 23—27°S.

U niadzielu ŭpłyŭ cykłona asłabieje, karotkačasovyja daždžy projduć tolki ŭ asobnych miescach. Tempieratura pavietra nočču składzie 6—13°S, dniom 15—22°S, pa poŭdni da 24°S.

U Hrodnie i Breście ŭ najbližejšyja sutki bieź istotnych apadkaŭ, u načnyja i ranišnija hadziny słaby tuman. Tempieratura pavietra nočču 11—13°S, dniom 20—22°S.

U Homieli prahnazujecca karotkačasovy doždž, mahčyma navalnica, tempieratura pavietra nočču 15—17°S, dniom 24—26°S.

U Mahilovie i Viciebsku nočču bieź istotnych apadkaŭ, dniom čakajecca karotkačasovy doždž, mahčyma navalnica. Tempieratura pavietra nočču 14—16°S, dniom 24—26°S.

U Minskaj vobłaści prahnazujecca pieramiennaja vobłačnaść, nočču miescami, a dniom na bolšaj častcy terytoryi karotkačasovyja daždžy, u asobnych rajonach navalnicy. U načnyja i ranišnija hadziny čakajecca słaby tuman. Tempieratura pavietra nočču 11—16°S, dniom 21—26°S.

U Minsku taksama čakajecca pieramiennaja vobłačnaść, karotkačasovy doždž, mahčyma navalnica. Tempieratura pavietra nočču 13—15°S, dniom 22—24°S.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?