Siaredniaja cana kvadratnaha mietra na druhasnym rynku žylla ŭ Minsku za apošnija paŭhoda vyrasła na 14,09% i skłała ŭ krasaviku 1.393 dołary. Pra heta BiełaPAN paviedamiŭ načalnik adździeła kansałtynhu i analityki hrupy kampanij «Tvaja stalica» Andrej Astrejka.

Pavodle źviestak HK «Tvaja stalica», za apošnija paŭhoda ceny na adnapakajovyja kvatery ŭzraśli na 11,57% da 1.466 dołaraŭ za kvadratny mietr u krasaviku, dvuchpakajovyja — na 14,26% da 1.354, trochpakajovyja — na 10,71% da 1.240 dołaraŭ za kvadratny mietr.

«Siarednija ceny ździełak u krasaviku ŭ paraŭnańni z papiarednim miesiacam, pavodle źviestak hrupy kampanij, zachavalisia na raniejšym uzroŭni. Siaredni temp rostu cen za apošnija paŭhoda skłaŭ 2,25% u miesiac. Kvatery z meblaj abo papiarednim ramontam realizoŭvalisia ŭ siarednim na 23% daražej (abo na 319 dołaraŭ za kvadratny mietr) kvater typavych spažyvieckich jakaściaŭ», — prakamientavaŭ tendencyi rynku nieruchomaści śpiecyjalist.

Aprača taho, zaznačyŭ Astrejka, u krasaviku amal pałova ździełak z adnapakajovymi kvaterami na druhasnym rynku žyłoj nieruchomaści Minska, pavodle źviestak RUP «Nacyjanalnaje kadastravaje ahienctva», była zaklučana z kvaterami płoščaj 30–34 kvadratnyja mietry. Pry hetym u struktury prapanovy dola kvater takoj płoščy skłała tolki 16%.

Siaredniaja cana kvadratnaha mietra na pieršasnym rynku žylla za apošnija paŭhoda ŭzrasła amal na 14%. Siaredniamiesiačny rost cen za studzień-krasavik 2013 hoda skłaŭ prykładna 3%. Košt žylla na pieršasnym rynku ŭ krasaviku skłaŭ: dla ekanamkłasa — 1.315 dołaraŭ za kvadratny mietr, biźnies-kłasa — 1.562, elitkłasa — 2.389. Takim čynam, siarednieŭzvažanaja cana ŭ krasaviku hetaha hoda skłała 1.537 dołaraŭ za kvadratny mietr.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?