U kancy pazaminułaha hoda redakcyja Arche zapačatkavała tradycyju vydańnia admysłovych numaroŭ, jakija atrymali ŭmoŭnuju nazvu “humanitarnych ahladaŭ”. Pavodle zadumy, dadzieny prajekt musiŭ spryjać ažyŭleńniu intelektualnaha žyćcia ŭ Biełarusi, inicyjujučy dyskusii na roznyja aktualnyja dla sučasnaha biełaruskaha hramadstva temy i dajučy krytyčny analiz apošnim dasiahnieńniam u śfiery biełaruskaj humanitarystyki.

Da prypynieńnia vychadu Arche vosieńniu minułaha hoda u śviet paśpieli vyjści try “humanitarnyja ahlady”.

Na staronkach pieršaha z prapanavanych numaroŭ (№ 11 za 2011 hod) nadrukavanyja recenzii i ahlady aŭtarstva Andreja Cichamirava, Volfa Rubinčyka, Ramana Abramčuka, Andreja Kištymava, šerah cikavych daśledavańniaŭ pa historyi
(“Epanimičnaja viersija pachodžańnia nazvy Litva ŭ śviatle biełaruskich refleksaŭ indajeŭrapiejskaha bliźniečaha mifa” Siarhieja Sańko, “Prastytucyja ŭ haradach Biełarusi: druhaja pałova XIX — pačatak XX st.” Taćciany Varonič, “Prablemy sučasnaha biełaruskaha historyjapisańnia i kalektyŭnaja identyčnaść” Alesia Smalenčuka i inš.) i movaznaŭstvu (“Systema čaścinaŭ movy. Da imanentnaj biełaruskaj hramatyki” Juryja Paciupy i Paŭła Buki). Taksama tut upieršyniu drukujucca padborki redkich dakumientalnych krynic: uspaminy viadomaha biełaruskaha dziejača Kuźmy Ciareščanki “Moj udzieł u biełaruskim ruchu” (jakim papiaredničaje hruntoŭnaja bijahrafičnaja pradmova Uładzimira Lachoŭskaha i Andreja Čarniakieviča, listy Vandy Dziaržynskaj da Vacłava Łukaševiča (padrychtavanyja da druku Marynaj Zapartykaj) i mnohaje inšaje.

POŬNY ŹMIEST HETAHA NUMARA DASTUPNY TUT.

Druhi i treci numar z hetaj sieryi (№ 4 i 5 za 2012 hod) zbolšaha składajucca z ahladaŭ i recenzij na pracy na biełarusaznaŭčuju tematyku, što vyjšli ŭ apošnija hady jak u Biełarusi, tak i za jaje miežami. U centry ŭvahi recenzientaŭ akazalisia pracy, datyčnyja samych roznych halin humanitarystyki: historyi, palitałohii, etnałohii i kulturnaj antrapałohii, movaznaŭstva, urbanistyki i achovy pomnikaŭ, bibleistyki, litaratury, mastactva, biblijahrafii i inš.

Siarod aŭtaraŭ recenzij – Piotra Sadoŭski, Hienadź Siemiančuk, Alaksandr Paškievič, Aleś Smalančuk, Aleh Łatyšonak, Dźmitryj Vićko, Viktar Žybul, Andrej Katlarčuk, Andrej Vaškievič i mnohija inšyja. Na staronkach adnaho z numaroŭ nadrukavana taksama sieryja intervju z sučasnymi biełaruskimi vydaŭcami i raspaŭsiudnikami (Valeryj Duboŭski, Aleś Smalančuk, Raman Cymbieraŭ, Anatol Taras, Pavieł Barkoŭski, Faryd Bierrašed, Valer Bułhakaŭ) ab pierśpiektyvach knižnaha rynku ŭ ciapierašniaj i budučaj Biełarusi.

POŬNY ŹMIEST HETYCH NUMAROŬ DASTUPNY TUT (№ 4 za 2012 hod) i TUT (№ 5 za 2012 hod)

Vydańni možna zamović, dasłaŭšy elektronny list na adras [email protected]. Cana za kamplekt z troch numaroŭ — 99 tys. rubloŭ + košt dastaŭki. Akcyja praciahniecca da 1 červienia.

Zamaŭlajučy vydańnie, u poli «Tema» treba paznačyć «Humanitarnyja ahlady», a ŭ liście padać svaje dakładnyja kaardynaty: paštovy adras, indeks, proźvišča i inicyjały, telefon dla kamunikacyi. Prapanova dziejničaje tolki na terytoryi Respubliki Biełaruś.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?