Alaksandr Łukašenka siońnia ŭ čas kadravych naznačeńniaŭ stroha papiaredziŭ ab niedapuščalnaści jakich-niebudź parušeńniaŭ z boku kiraŭnikoŭ, paviedamili ŭ pres-słužbie biełaruskaha lidara.

«U suviazi z tym, što ja daručyŭ zajmacca pytańniami antykarupcyjnych dziejańniaŭ, mnie ŭsio bolš i bolš dakładvajuć ab nienarmalnaj dziejnaści asobnych našych kiraŭnikoŭ. Rašeńni buduć imhniennymi i adnaznačnymi. I nie budzie taho, što voś heta prostaje parušeńnie, — nu, papalavaŭ čałaviek, zabiŭ jon łasiania abo dzika, davajcie jamu darujem. Nu, a voś tut u enierhietycy sotni miljonaŭ dołaraŭ stračana z pryčyny niasvoječasovaści ŭvodu enierhamahutnaściej abo nieracyjanalnaha vykarystańnia inviestycyjnych srodkaŭ, voś heta sapraŭdy złačynstva. Nie, u abodvuch vypadkach — złačynstvy, i pa kožnym — svoj artykuł».

Alaksandr Łukašenka pryvioŭ kankretny prykład: «Jak mnie ciapier dałažyli pravaachoŭnyja orhany, pa palaŭničaj spravie ŭžo (mienavita tak, napeŭna, jaje nazavuć žurnalisty) u śledčym izalatary paŭdziasiatka ludziej. Usie z partfielami kiraŭnikoŭ. Ja heta kažu nie tamu, što nie treba vam palavać. Palujcie, ale viedajcie čas, miesca, i z kim vy heta budziecie rabić».

Samaje hałoŭnaje — usio pavinna być sumlenna i pa zakonie. «Nie budzie pa zakonie, nu što ž, tady vy sami vybrali hety šlach. Toje samaje i ŭ enierhietycy, i ŭ drevaapracoŭcy, i hetak dalej. U advarotnym vypadku my stracim krainu. My apuścimsia da taho ŭzroŭniu, na jaki skacilisia niekatoryja susiednija z nami krainy byłoha Savieckaha Sajuza», — adznačyŭ kiraŭnik dziaržavy.

«Ja ŭžo niadaŭna skazaŭ i paŭtaru jašče raz publična: kali tolki mnie budzie dałožana, što niejki čynoŭnik, nie tolki vašaha ŭzroŭniu kiraŭnik, zabłytaŭsia z kamiercyjnaj strukturaj u budaŭnictvie ci to łaźni, ci to jašče jakoha-niebudź haspadarčaha pamiaškańnia ŭ siabie, heta nieskładana praviarajecca, značyć, kamiercyjnaja struktura źniščajecca, a čynoŭnik idzie na nary. Heta nie zapałochvańnie ludziej, ja prosta vas usich papiaredžvaju».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?