Fatahrafija ź miesca zdareńnia na nastupny dzień

Fatahrafija ź miesca zdareńnia na nastupny dzień

Pavodle papiaredniaj viersii śledstva, kiroŭca aŭtamabila MAZ nie vinavaty ŭ hibieli 23-hadovaj dziaŭčyny, jakaja trapiła pad koła hruzavika.

Nahadajem, što zdareńnie adbyłosia 21 sakavika pobač ź piešachodnym pierachodam na vulicy Libava-Romienskaja kala čyhunačnaha vakzała ŭ Maładziečnie.

Ab vynikach rasśledavańnia raspavioŭ śledčy Maładziečanskaha rajonnaha adździeła Śledčaha kamiteta Viktar Zianievič.

Pa słovach Zianieviča, mahčyma, u pracesie rasśledavańnia buduć vyjaŭlenyja novyja fakty.

Ale, pavodle vynikaŭ papiaredniaha rasśledavańnia, 51-hadovy kiroŭca MAZa nie moh bačyć dziaŭčynu, jakaja trapiła pad koła jaho hruzavika.

Kiroŭca nie parušaŭ chutkasnaha režymu. Jon prytarmaziŭ na piešachodnym pierachodzie, prajechaŭ «ziebru» i spyniŭsia, pačuŭšy kryki žančyn, jakija stajali na aŭtobusnym prypynku.

Pa słovach vidavočcaŭ, dziaŭčyna, razmaŭlajučy pa mabilnym telefonie, stupiła na prajeznuju častku i trapiła pad koła MAZa.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?