Alaksandr Łukašenka daručyŭ staršyni Minskaha abłvykankama Barysu Baturu pryniać miery dla praduchileńnia padtapleńniaŭ žyłych damoŭ i prysiadzibnych učastkaŭ tałymi vodami.

Takoje daručeńnie Łukašenka daŭ 8 krasavika, zasłuchaŭšy dakłady kiraŭnika abłasnoj administracyi pra toje, što čakajucca padtapleńni ŭ Barysaŭskim, Maładziečanskim, Puchavickim i Staŭbcoŭskim rajonach, paviedamlaje pres-słužba prezidenta.

«Niejkich nadzvyčajnych situacyj nie prahnazujecca, u tym liku dziakujučy svoječasova praviedzienym rabotam pa abuładkavańni supraćpavodkavych zbudavańniaŭ», — padkreśliŭ staršynia Minabłvykankama.

Što da pytańnia ab praviadzieńni pasiaŭnoj kampanii, Batura zapeŭniŭ Łukašenku, što Minskaja vobłaść hatova vykanać usie nieabchodnyja mierapryjemstvy ŭ ścisłyja terminy, i «pry pieršaj mahčymaści ŭ rehijonie pačnucca palavyja raboty».

Łukašenku było paviedamlena pra realizacyju šerahu inviestycyjnych prajektaŭ, u tym liku pra rekanstrukcyju aŭtadarohi Minsk — Słuck — Mikaševičy. Apošni prajekt Łukašenka padtrymaŭ. Jak havorycca ŭ paviedamleńni pres-słužby, realizacyja hetaha varyjantu dazvolić davieści aŭtadarohu «da paramietraŭ pieršaj katehoryi».

«Asobna kiraŭnik dziaržavy źviarnuŭ uvahu na pytańni naviadzieńnia paradku ŭ nasielenych punktach. Jon zapatrabavaŭ, kab hetym pracesam byli achoplenyja nie tolki bujnyja harady i rajonnyja centry, ale i nievialikija vioski», — paviedamlaje pres-słužba.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?