U bližejšyja sutki, 2 krasavika, kali cykłon pieramieścicca na paŭnočny zachad jeŭrapiejskaj Rasii, na bolšaj častcy Biełarusi pradoŭžacca apadki, ale ŭžo karotkačasovaha charaktaru. Čakajecca vobłačnaje z prajaśnieńniami nadvorje. U načny i ranišni čas sutak miescami na darohach utvorycca hałalodzica, u asobnych rajonach Homielskaj i Mahiloŭskaj abłaściej zhuścicca tuman. Viecier budzie paŭdniova-zachodni, zachodni 4–9 mietraŭ za siekundu. Unačy prahnazujecca ad 5 hradusaŭ marozu da 1 hradusa ciapła. Tempieratura pavietra dniom składzie 1–7 hradusaŭ sa znakam plus.

U sieradu, 3 krasavika, z rostam atmaśfiernaha cisku raśsiejucca ščylnyja abłoki, apadkaŭ stanie mienš. U načny čas padmarozić, i na darohach uzmocnicca hałalodzica. Tempieratura pavietra ŭnačy budzie ad nula da 6 hradusaŭ sa znakam minus, pry prajaśnieńniach čakajecca da 7–12 marozu. Dniom prahnazujecca ad 1 da 6 hradusaŭ ciapła, na poŭdni krainy pavietra prahrejecca da 8 hradusaŭ.

U čaćvier i piatnicu ŭ Biełaruś vierniecca syroje nadvorje, jakoje buduć farmiravać aktyŭnyja atmaśfiernyja franty ad paŭdniovaha cykłonu, jaki pieramiaščajecca na paŭnočny ŭschod ź bierahoŭ Adryjatyčnaha mora.
Pad jaho ŭpłyvam na bolšaj častcy respubliki projduć apadki, u asnoŭnym u vyhladzie mokraha śniehu z daždžom, miescami čakajucca mocnyja apadki. Tempieratura pavietra ŭnačy budzie vahacca ad 2–3 hradusaŭ marozu na poŭnačy krainy da 3 hradusaŭ ciapła na poŭdni. Dniom čakajecca ad nula da 5 hradusaŭ sa znakam plus, na poŭdni krainy słupok termomietra ŭźnimiecca da 6–11 hradusaŭ.
Pavodle słoŭ Ludmiły Paraščuk, u kancy tydnia ŭzmocnicca ŭpłyŭ antycykłonu, jaki pieramiaščajecca z Zachodniaj Jeŭropy — nadvorje ŭ vychadnyja palepšycca.

Užo ŭ niadzielu istotnych apadkaŭ u krainie nie prahnazujecca, ale z-za nievialikaj kolkaści abłokaŭ u načnyja hadziny budzie padmarožvać. Tempieratura pavietra ŭnačy składzie nul — minus 6 hradusaŭ, pry praciahłych prajaśnieńniach čakajecca da 8 marozu. Dniom prahnazujecca ad 1 da 6 hradusaŭ ciapła, na poŭdni krainy budzie na paru hradusaŭ ciaplej.

«U cełym pieršaja dekada krasavika čakajecca na 1–3 hradusy chaładniej, čym zvyčajna, apadkaŭ budzie šmat.
Aktyŭnyja viasnovyja pracesy i ciapło prahnazujucca ŭ Biełarusi tolki ŭ siaredzinie nastupnaha tydnia», — adznačyła hałoŭny sinoptyk.
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?