Ministerstva pa padatkach i zborach Biełarusi pakul nie płanuje źnižać staŭku padatku na dabaŭlenuju vartaść.
Ab hetym paviedamiŭ siońnia žurnalistam načalnik upraŭleńnia ŭskosnaha padatkaabkładańnia MPZ Ihar Skryńnikaŭ.

U paćviardžeńnie abhruntavanaści takoha rašeńnia Ihar Skryńnikaŭ pryvioŭ situacyju ŭ hetaj śfiery ŭ krainach Jeŭrasajuza. «Nivodnaja kraina za apošnija hady nie źniziła PDV. Razhladajecca tolki pytańnie ab pavyšeńni hetych stavak — na adzin, dva, try pracentnyja punkty», — skazaŭ jon.

Adkazvajučy na pytańnie, ci nie płanujecca zamianić PDV na padatak z prodažaŭ, pradstaŭnik MPZ adznačyŭ: «Padatak na dadadzieny košt — heta ahulnasuśvietny padatak, što prymianiajecca ŭ bolšaści cyvilizavanych krain śvietu. Asnoŭnyja našy handlovyja partniory prymianiajuć PDV. Tamu ciapier vieści razmovu ab zamienie jaho na padatak z prodažaŭ niekarektna».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?