Alaksandr Łukašenka 12 sakavika padpisaŭ ukaz № 119 «Ab uparadkavanni nabyćcia słužbovych lehkavych aŭtamabilaŭ».

«U metach racyjanalnaha vykarystańnia srodkaŭ, zachavańnia płaciežnaj dyscypliny normami ŭkaza ŭstanaŭlivajucca abmiežavańni na nabyćcio słužbovych lehkavych aŭtamabilaŭ jurydyčnymi asobami, jakija majuć praterminavanuju zapazyčanaść, a taksama abmiežavańnie pa jaho košcie».

Košt słužbovaha lehkavoha aŭtamabila, nabytaha dziaržaŭnymi orhanami, dziaržaŭnymi jurydyčnymi asobami, haspadarčymi tavarystvami, u statutnych fondach jakich bolš za 50% akcyj (dolaŭ) znachodzicca va ŭłasnaści RB i (abo) jaje administracyjna-terytaryjalnych adzinak, a taksama sielskahaspadarčymi arhanizacyjami z dolaj dziaržavy ŭ statutnym fondzie, nie pavinna pieravyšać sumu,

ekvivalentnuju 25 tys. jeŭra z ulikam mytnych płaciažoŭ,
kali inšaje nie ŭstanoŭlena prezidentam Biełarusi.

Za pieravyšeńnie ŭstanoŭlenaha zakanadaŭstvam koštu nabytaha słužbovaha lehkavoha aŭtamabila, a taksama za jaho nabyćcio pry najaŭnaści praterminavanaj zapazyčanaści praduhledžvajecca nakładańnie na kiraŭnika dziaržorhana abo jurydyčnaj asoby štrafu ŭ pamiery ad 600 da 1 000 bazavych vieličyń (ciapier adna bazavaja vieličynia składaje Br100 tys.), paviedamlaje BiełTA.

Nahadajem, što raniej nieadnarazova źjaŭlałasia infarmacyja pra nabyćcio čynoŭnikami i roznymi słužbami aŭtamabilaŭ koštam pa niekalki dziasiatkaŭ tysiač dalaraŭ.

U pryvatnaści, paviedamlałasia, što Jelski rajvykankam źbiraŭsia nabyć aŭtamabil koštam 600 młn rubloŭ (70 tys. dalaraŭ).

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?