Pavodle statystyki Mižnarodnaj arhanizacyi pa mihracyi, na siońniašni momant za miažoj pracujuć bolš za adzin miljon biełarusaŭ.
34mag pahutaryŭ z suajčyńnikami, jakija pachali ci pašuć za kardonam, kab daviedacca, čamu jany źjazdžajuć, čaho šukajuć na druhim kancy śvietu i jak viartajucca nazad.

— Ja z cyrkavoj siamji, mama z tatam paznajomilisia ŭ cyrku — baćka byŭ akrabatam, jak i ja. Dla mianie ŭsio pačałosia hadoŭ 10 tamu, ja ŭvieś čas pravodziŭ u našym mienskim cyrku, tam byli hrymiorki, i ja ŭ ich praktyčna žyŭ. Pačynaŭ z nula, uvohule. Treniravaŭsia tam uvieś čas. Było viesieła.

U svoj pieršy dvuchmiesiačny tryp z cyrkam ja pajechaŭ u 2006 hodzie ŭ Jehipiet. Dla mianie jak dla artysta tam zdaryłasia pieršaje ciažkaje vyprabavańnie — my trapili ŭ načny haradok, usie vystupy pačynalisia apoŭnačy. Pracavać nočču vielmi ciažka i niazvykła, šmatlikich artystaŭ taki pierapad łamaŭ, mnohija chvareli.

Maje numary ŭ cyrku — heta «ruskaja pałka» i skakałki. Na budučyniu płanuju zrabić jašče dva siamiejnyja numary. Płaciać usiudy pa-roznamu, ja nie lublu razmaŭlać pra hrošy, ale skažu, što za treniroŭku, byvaje, płaciać $600, a za vystupy ŭ razy bolš.

Ja abjeździŭ šmat krainaŭ, usie ŭžo navat i nie pamiataju. Asabliva zapomniłasia Łacinskaja Amieryka, ale tam piekła. Byŭ vypadak u Daminikanskaj Respublicy, kali my z baćkam pajšli ŭ bank, kab raźmianiać hrošy.

Na vychadzie nas čakała banda na skutery. Ale čuvak, jaki vychoplivaŭ sumku, vidać, nie praduhledzieŭ, što moj baćka vychapić jaje nazad i pakaža jamu siaredni palec.
Pakryŭdžanyja takim staŭleńniem da ich, chłopcy raźviarnulisia, dastali stvoł i pačali pa nas šmalać. My dabiehli da bližejšaj kramy, dzie nam dapamoh pradaviec — jon vybieh z ružžom i pačaŭ šmalać u adkaz. Zatoje tam umovy kłasnyja i zarpłata supier. Naprykład, kłoŭn atrymlivaje $15 000 na tydzień. Žyvieš sabie ŭ darahim hateli, kali drenna siabie adčuvaješ, vyklikajuć lekara i ŭsio za ciabie apłočvajuć. My kožny tydzień źbiralisia na bierazie Karybskaha mora — što moža być lepš?
Paśla ŭsiaho hetaha ŭ toj ža Rasiei rabić niama čaho, tam poŭnaja dupa. Umovy žudasnyja, ludzi ŭsie złyja, vakoł stukačy, i ŭsie dumajuć, jak pabolej skraści. Praca ŭ Rasiei — heta hulnia na vyžyvańnie.

Hady 4 nazad ja syšoŭ z cyrka i niekatory čas pracavaŭ ślesaram miechanazboračnych rabot i zajmaŭsia prafiesijnym kibiersportam — u Counter Strike rubiŭsia na turnirach. Ale pracavać u Biełarusi z 7-j ranicy da 22-j viečara za kapiejki mnie nie spadabałasia, ja sumavaŭ pa cyrku, pa raznastajnaści, mnie nadakučyła bačyć u aŭtobusie adny i tyja ž tvary, pryčym praktyčna ŭsie ź pieraharam. Ja viarnuŭsia i ciapier nazaŭždy chaču zastacca artystam-akrabatam.

Naturalna, pa Biełarusi ŭ časie pajezdak usio roŭna sumuješ. Nie chapaje siabroŭ, kachanaj, dyj prosta samoj radzimy, jaje duchu i navat pavietra. Dy i mnohija pradukty ŭ nas lepšyja, čym tam. U Amierycy ja sumavaŭ pa hrečcy z vendžanaj kaŭbaskaj. I pa chlebie našym.

Inšyja historyi čytajcie pa hetaj spasyłcy.
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?