Z červienia 1984 hoda, kali pajšli pieršyja ciahniki Minskaha mietrapalitena, im było pieravieziena bolš jak 5,5 młrd. pasažyraŭ.
Pra heta paviedamiŭ 12 sakavika na pres-kanfierencyi namieśnik načalnika pa kapitalnym budaŭnictvie KUP «Minski mietrapaliten» Alaksandr Cimafiejeŭ.

Pavodle jaho słoŭ, pieršapačatkova ŭ architekturnych rašeńniach stancyi mietro sprabavali pradstavić jak padziemnyja pałacy — znak dasiahnieńniaŭ savieckaha naroda. Ciapier architektura interjeraŭ mietro bolš sučasnaja, što možna acanić na prykładzie novych stancyj Piatroŭščyna, Michałova, Hrušaŭka.

Jak paviedamiŭ Cimafiejeŭ, paśla pusku stancyi Piatroŭščyna pieravozka pasažyraŭ u staličnym mietro vyrasła na 29%.

Ab pracy pa pavyšeńni biaśpieki pasažyraŭ raskazaŭ žurnalistam hałoŭny revizor pa biaśpiecy mietrapalitena Alaksandr Salej. «Siońnia na dźviuch linijach minskaha mietro ŭstanoŭlena prykładna 930 kamier, jakija dazvalajuć nazirać za pasažyrami ad uvachodu na stancyju da pasadki ŭ ciahniki, — paviedamiŭ jon. — Letaś siem sastavaŭ pieršaj linii abstalavanyja videanazirańniem u vahonach, u dalejšym heta praca budzie praciahvacca».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?