9 sakavika administracyjna aryštavany Andrej Č., znachodziačysia ŭ Centry izalacyi pravaparušalnikaŭ u Minsku, razrezaŭ sabie vieny na rukach, patrabujučy akazańnia miedycynskaj dapamohi.
Pra heta paviedamlaje sajt pryvatnaj kulturna-aśvietnickaj ustanovy «Płatform inavejšn».

Pavodle infarmacyi arhanizacyi, pryčynaj učynku stała admova supracoŭnikaŭ miedycynskaj čaści CIP vydać aryštavanamu abiazbolvalnyja preparaty, niahledziačy na pastajannyja skarhi na hałaŭny bol. Jon niekalki hadzin prasiŭ akazać jamu miedycynskuju dapamohu, adnak na jaho nie źviartali ŭvahi. Nie majučy bolš sił tryvać hałaŭny bol, administracyjna aryštavany parezaŭ vieny.

Vyklikanyja miedycynskija rabotniki tolki pieraviazali Andreja Č., adznačyŭšy, što nieabchodnaści vyklikać chutkuju dapamohu niama. Adrazu paśla hetaha jon byŭ pieraviedzieny ŭ inšuju kamieru.

«Treba adznačyć, što skarhi na nieakazańnie miedycynskaj dapamohi supracoŭnikami Centra izalacyi pravaparušalnikaŭ zusim nie navina. Ale daviadzieńnie aryštavanych da krajnich mier śviedčyć pra nieabchodnaść orhanam prakuratury źviarnuć pilnuju ŭvahu na jaŭnaje parušeńnie ŭmoŭ utrymańnia administracyjna zatrymanych i aryštavanych», — adznačajecca na sajcie «Płatform inavejšn».

Dyrektar arhanizacyi Andrej Bandarenka zajaviŭ BiełaPAN, što infarmacyi pra NZ u CIP možna daviarać na «sto pracentaŭ, bo jaje paviedamili chłopcy, jakija taksama tam siadzieli».

Jon paviedamiŭ, što Andrej Č. pavinien vyjści na volu paśla adbyvańnia administracyjnaha aryštu 16 krasavika. Pavodle słoŭ Bandarenki, aryšt nie byŭ źviazany z palitykaj.

***

    Pryvatnaja kulturna-aśvietnickaja ŭstanova «Płatform inavejšn» źjaŭlajecca pierajemnicaj infarmacyjna-aśvietnickaj ustanovy «Płatforma», likvidavanaj pa rašeńni suda ŭ kastryčniku 2012 hod. Nahodaj dla likvidacyi staŭ isk inśpiekcyi Ministerstva pa padatkach i zborach Savieckaha rajona Minska, jakaja śćviardžaje, što «Płatforma» nie svoječasova padavała padatkovyja dekłaracyi i nie raźmiaščałasia pa svaim jurydyčnym adrasie.

Hetyja pretenzii Andrej Bandarenka nazvaŭ nadumanymi. Jon pierakanany, što rašeńnie ab likvidacyi było pryniataje ŭ suviazi ź dziejnaściu «Płatformy», jakaja zajmałasia abaronaj pravoŭ čałavieka ŭ miescach pazbaŭleńnia voli i za karotki termin svajho isnavańnia paśpieła pryciahnuć uvahu šyrokaj hramadskaści i ŚMI da hetaj prablemy. U pačatku śniežnia minułaha hoda Minharvykankam zarehistravaŭ pryvatnuju kulturna-aśvietnickuju ŭstanovu «Płatform inavejšn».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?