Jeŭrapiejski sajuz moža admianić vizavyja sankcyi ŭ dačynieńni da ministra zamiežnych spraŭ Biełarusi Uładzimira Makieja. Pra heta zajaviŭ namieśnik ministra zamiežnych spraŭ Polščy Ježy Pamianoŭski.

Jak paviedamlaje Polskaje radyjo, pavodle słoŭ Pamianoŭskaha, pazicyja ES ŭ dačynieńni da Biełarusi zastajecca ćviordaj: pieršyja kroki nasustrač pavinien zrabić Minsk. Siarod hetych krokaŭ jon nazvaŭ vyzvaleńnie palitźniavolenych. Na pytańnie žurnalistaŭ, ci viaducca takija pieramovy, Pamianoŭski adkazaŭ niapeŭna: «Moža być».

Kažučy pra mahčymuju admienu vizavych sankcyj u dačynieńni da Makieja, namieśnik kiraŭnika polskaha MZS rastłumačyŭ, što taki varyjant razhladajecca dla taho, kab «zachavać minimalnyja kanały suviazi, jakija nieabchodnyja dla padtrymańnia adnosinaŭ ź luboj krainaj».

Pamianoŭski taksama zaznačyŭ, što Biełaruś chacieła b atrymać kredyt ad Mižnarodnaha valutnaha fondu. Adnak, padkreśliŭ jon, pazicyja ES u hetym pytańni adnaznačnaja i finansavyja instytuty nie buduć vydzialać kredyty aficyjnamu Minsku. Pavodle jaho słoŭ, pryčyna hetaha nie tolki najaŭnaść palitźniavolenych u krainie, ale i admoŭnaja acenka ekanamičnaj situacyi ŭ Biełarusi z boku MVF.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?