«Šenhienka» — pieršy ŭ historyi Biełarusi vialiki fiestyval pierakładnoj litaratury. U sakaviku haściej čakajuć piać vialikich imprezaŭ, a ŭ kniharni «łohvinaŬ» — jašče i asobnaja palička z tvorami češskich, vienhierskich, słavackich i polskich piśmieńnikaŭ, fiłosafaŭ i sacyjołahaŭ.
Udzieł u imprezach fiestyvalu «Šenhienka» voźmuć śpiavačka i aktorka Hanna Chitryk i akcior Pavieł Charłančuk. Pasłuchać vybranyja tvory ŭ vykanańni biełaruskich zorak možna budzie na troch ź ich: «Multykulturnaja viza» (12 sakavika), «Pražskaja viasna ŭ Minsku» (26 sakavika) i «Miemuar-viečarynka» (29 sakavika).

Vieści sustrečy fiestyvalu buduć viadomyja ŭ śviecie litaratury Andrej Chadanovič, Ihar Babkoŭ, Alaksiej Łastoŭski i Siarhiej Smatryčenka. Na usich piaci viečarynach hałoŭnyja hieroi fiestyvalu — aŭtary i pierakładčyki — padzielacca historyjami pra ciažkaści i lohkaści pierakładu i rozdumami pra jeŭrapiejskaść biełaruskaj litaratury i jeŭrapiejskuju litaraturu pa-biełarusku. Kab pierasiačeńnie šenhienskaj litaraturnaj miažy było dla ŭsich haściej maksimalna pryjemnym i zachaplalnym, pamiežniki Hanna Chitryk i Pavieł Charłančuk z usim aktorskim impetam vykanajuć ulubionyja litaraturnyja ŭryŭki.

Na pieršaj sustrečy voźmuć udzieł pierakładčyki Aleś Karciel, Śviatłana Bohuš, Maryna Kazłoŭskaja, Maryja Puškina, a taksama hość sa Słavakii — paet i vydaviec Pieter Miłčak.

Knihi, jakija buduć prezientavacca na sustrečy:

• Pieter Nadaš. Kaniec adnaho siamiejnaha ramana (raman);

• Rudolf Słobada. Rozum (raman);

• Tadevuš Ruževič. Biez (vybranaja paezija);

• Andžej Stasiuk. Na šlachu ŭ Babadah (padarožnaja eseistyka);

• Daminik Tatarka. Kultura jak stasunki (vybranyja ese).

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?