Na sajcie «Biełsata» proźvišča prezidenta ZŠA pišuć jak «Oŭbama». A jahonuju žonku — Mišeł Oŭbama. Pryčym heta nie adzinkavy vypadak, a paśladoŭnaja palityka.

«Biełsat» karystajecca akademičnym pravapisam, ale moŭnuju palityku kanała vyznačaje linhvist Źmicier Saŭka, adzin z suaŭtaraŭ novaj kadyfikacyi kłasičnaha pravapisa. Tam pravapisańnie inšamoŭnych ułasnych imionaŭ taksama było raźličana na erudytaŭ, na tych, chto viedaje, jak jany vymaŭlajucca ŭ toj ci inšaj movie. Naprykład, prapanoŭvałasia pisać «Inioniu», bo ŭ tureckaj movie hetaje proźvišča vymaŭlajecca akurat tak.

Farmalna takoje napisańnie možna apraŭdać tym, što varyjant «Abama», zrazumieła, nie fiksujecca ŭ narmatyŭnych słoŭnikach. Jany abnaŭlajucca redka. Adnak bolšaść biełaruskamoŭnych ŚMI piša: Abama. Pryčym jak tyja, što karystajucca akademičnym pravapisam, tak i kłasiki.

Varyjant «Oŭbama» dakładna pieradaje amierykanskaje vymaŭleńnie, ale jano piarečyć ułaścivamu biełaruskaj movie «akańniu» svaim dadatkovym naciskam.

Jak pa-Vašamu, lepiej pisać Abama ci Oŭbama? Adkazvajcie ŭ apytancy.

A ŭ kamientach vykažycie svaje dumki. Ci maje sens bolš dakładnaja pieradača zamiežnych imionaŭ u adpaviednaści z tym, jak jany vymaŭlajucca ŭ zamiežnych movach? Ci heta viadzie da raznaboju, a takija ekśpierymienty, naadvarot, režuć voka? Ci žyvaja pravapisnaja tvorčaść siońnia karysnaja dla našaj movy, ci na siońnia heta kulturna biasplonny zaniatak, zabaŭka dla vuzkaha koła linhvistaŭ? Ci varta trymacca bolš tradycyjnaha varyjanta, «jak zvykła»? Ci varta takoje praktykavać telekanału, jaki pretenduje na masavaha hledača?

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?